Hiermanija nie budzie ŭnosić dadatkovyja srodki ŭ stabfond jeŭrazony, abmiežavaŭšysia raniejšymi 211 miljardami jeŭra. Pra heta zajaviŭ ministr finansaŭ krainy Volfhanh Šojble. «Jeŭrapiejski stabfond maje maksimalnuju płanku 440 miljardaŭ jeŭra, ź ich 211 prypadaje na Hiermaniju. I heta ŭžo ŭsio, kali nie ličyć naležnych adsotkaŭ», — cytuje ministra Deutsche Welle.
Rejtynhavaje ahienctva Standard & Poor's papiaredžvała kiraŭnikoŭ krain ES, što pavieličeńnie fondu moža pryvieści da źnižeńnia kredytnych rejtynhaŭ krain rehijonu, u pryvatnaści — Hiermanii, jakaja maje najvyšejšy rejtynh AAA.
Hrošy z fondu išli na stabilizacyju finansaŭ krain Paŭdniovaj Jeŭropy, što žyli nie pa srodkach apošnija dziesiacihodździ. Admova Niamieččyny finansavać fond dadatkova pavialičvaje šancy na defołt Hrecyi i, u pierśpiektyvie, Italii. Heta, u svaju čarhu, moža pahruzić śviet u novuju vialikuju ekanamičnuju depresiju.
Kamientary