Bolš za čatyry hadziny byli abiastočany čatyry rajony Minska
Pryčyna — avaryja na pavietranaj linii.
Bolš za čatyry hadzin nie było elektryčnaści ŭ čatyroch ź dzieviaci rajonach Minska — Pieršamajskim, Savieckim, Zavodskim i Partyzanskim.
Byli abiastočany balnicy, žyłyja damy, administracyjnyja budynki, kramy. Nie chadziŭ naziemny elektratranspart. Ź pierabojami pracavała mabilnaja telefonnaja suviaź. U abiastočanych šmatpaviarchoŭkach spynilisia lifty, spyniłasia padača vady.
Jak paviedamili ŭ staličnym MNS, na pavietranaj linii mahutnaściu zdaryłasia avaryja, u vyniku jakoj u 8.28 adbyłosia adklučeńnie padstancyi «Padlesnaj», i, jak nastupstva, usich jaje spažyŭcoŭ.
Pa infarmacyi MNS, staličnyja padraździaleńni viedamstva raspačali nieabchodnyja miery dla zabieśpiačeńnia elektraenierhijaj žyćciova-važnych abjektaŭ stalicy. U pryvatnaści, ratavalniki pry dapamozie hienierataraŭ padali elektryčnaść u 1-ju haradskuju kliničnuju balnicu, dziciačy dom № 4; chaładzilnyja ŭstanoŭki 6-j haradskoj kliničnaj balnicy, dzie zachoŭvajecca płazma kryvi; reanimacyjnaje i apieracyjnaje adździaleńnie dziciačaha chirurhičnaha centra, dzie ŭ toj momant znachodziłasia 10 dziaciej, čaćviora ź jakich u ciažkim stanie.
Taksama, paviedamlaje MNS, u vyniku adklučeńnia adbyłosia spynieńnie troch tramvajnych i čatyroch tralejbusnych maršrutaŭ hramadskaha transpartu, troch vadanasosnych stancyj druhoha padjomu, 21 lifta ź ludźmi ŭ žyłych damach.
Elektrazabieśpiačeńnie na padstancyi adnoŭlena ŭ 12 hadzin 42 chviliny.
Usie spažyŭcy padłučanyja, paviedamili ŭ MNS.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary11
Kamientary