Kiraŭnik savieta respubliki: Ciapierašnija ciažkaści nosiać časovy charaktar, i jany vyrašalnyja

Ciapierašnija ciažkaści nosiać časovy charaktar, i jany vyrašalnyja, zajaviŭ staršynia savieta respubliki Anatol Rubinaŭ, adkryvajučy 3 kastryčnika ŭ Minsku siomuju siesiju vierchniaj pałaty biełaruskaha parłamienta.

U svaim ustupnym słovie jon adznačyŭ, što apošnim časam u krainie abvastrylisia finansavyja prablemy, pierš za ŭsio, źviazanyja z valutaj. Heta, pavodle słoŭ Rubinava, paciahnuła pavyšeńnie cen na charčavańnie i inšyja tavary, i, jak vynik, źnižeńnie pakupnickaj zdolnaści nasielnictva.

«Usie hetyja źjavy časovyja. Samaje hałoŭnaje, što realny siektar ekanomiki raźvivajecca vielmi paśpiachova», — skazaŭ jon. U jakaści dokazu jon pryvioŭ šerah ekanamičnych pakazčykaŭ, jakija adlustroŭvajuć rost VUP, apieradžalny rost ekspartu nad impartam.

«Naša ekanomika nabiraje siłu, situacyja na valutnym rynku ŭziata pad kantrol uradam i Nacbankam. <…> Likvidavany pieradumovy dla śpiekulatyŭnych apieracyj. Urad admianiŭ abmiežavańni na kuplu valuty dla impartu abstalavańnia, čym zrabiŭ važny krok da ŭstanaŭleńnia raŭnavažnaha valutnaha kursu. Adziny valutny kurs zrobić rynak bolš pradkazalnym, dazvolić subjektam haspadarańnia viarnucca da narmalnych umoŭ pracy», — adznačyŭ Rubinaŭ.

Razam z hetym, pavodle jaho słoŭ, zachavany raniejšyja abaviazacielstvy dziaržavy pierad nasielnictvam, prymajucca dadatkovyja miery ŭ intaresach hramadzian. «Heta śviedčyć ab tym, što my nie majem namieru adychodzić ad kursu sacyjalna aryjentavanaj ekanamičnaj palityki», — zajaviŭ Rubinaŭ. U pryvatnaści, jon nahadaŭ, što z 1 listapada budzie praviedzieny pieraraźlik pracoŭnych piensij, zychodziačy z zarpłaty rabotnikaŭ za treci kvartał. Jon paabiacaŭ, što buduć raści dapamohi siemjam, jakija vychoŭvajuć dziaciej, stypiendyi. «Meta hetych mierapryjemstvaŭ — nie dapuścić padzieńnia ŭzroŭniu žyćcia hramadzian. Pryniatyja kiraŭnikom dziaržavy, uradam i Nacbankam rašučyja miery ŭ peŭnaj stupieni stabilizavali spažyviecki rynak i źniali napružanaść u hramadstvie. Ciapierašnija ciažkaści nosiać časovy charaktar, i jany vyrašalnyja», — upeŭnieny Rubinaŭ.

• 0
• 0
• 0
• 0
• 0
• 0