Pavodle vynikaŭ pracy ŭ studzieni-vieraśni 2011 hoda ŭ dźviuch halinach pramysłovaści adznačany spad vytvorčaści, paviedamlaje Nacyjanalny statystyčny kamitet. Źnižeńnie abjomaŭ vytvorčaści adbyłosia ŭ zdabyčy paliŭna-enierhietyčnych karysnych vykapniaŭ (na 0,5%) i ŭ śfiery vytvorčaści i raźmierkavańnia elektraenierhii, hazu i vady (na 3,5%).
U astatnich halinach pramysłovaści, paviedamlaje Biełstat, za hety pieryjad adznačany rost: zdabyča karysnych vykapniaŭ, akramia paliŭna-enierhietyčnych, — na 5,6%; vytvorčaść charčovych praduktaŭ — na 6,7%; tekstylnaja i šviejnaja vytvorčaść — na 6%; vytvorčaść skury i abutku — na 7,9%; apracoŭka draŭniny i vytvorčaść vyrabaŭ z dreva — na 9,6%; celułozna-papiarovaja vytvorčaść i vydavieckaja dziejnaść — na 8%; vytvorčaść koksu, naftapraduktaŭ i jadziernych materyjałaŭ — na 21,1%; farmaceŭtyčnaja pramysłovaść — na 18%; vytvorčaść humavych i płastmasavych vyrabaŭ — na 13,6%; mietałurhičnaja vytvorčaść i vytvorčaść hatovych mietaličnych vyrabaŭ — na 10,8%; vytvorčaść mašyn i abstalavańnia — na 13,9%; vytvorčaść transpartnych srodkaŭ i abstalavańnia — na 32,7%.
U cełym pa pramysłovaści za studzień-vierasień abjom vytvorčaści vyras na 10,6% u paraŭnańni z takim ža letašnim pieryjadam i skłaŭ 206 trłn. 694,1 młrd. rubloŭ u najaŭnych cenach. Pavodle prahnozu sacyjalna-ekanamičnaha raźvićcia na 2011 hod, abjom pramysłovaj pradukcyi pavinien vyraści na 9–9,5%.
Kamientary