Pavodle źviestak Nacbanka, u studzieni-žniŭni 2011 hoda admoŭnaje salda źniešniaha handlu tavarami i pasłuhami skłała 2 młrd. 24,6 młn. dołaraŭ, paviedamlaje Nacyjanalny statystyčny kamitet Biełarusi. Pry hetym u žniŭni salda było stanoŭčym u 120,1 młn. dołaraŭ.
Dla paraŭnańnia: za studzień-lipień hetaha hoda admoŭnaje salda składała 2 młrd. 647,6 młn. dołaraŭ, za studzień-žnivień 2010 hoda hety pakazčyk byŭ na ŭzroŭni 3 młrd. 612,7 młn. dołaraŭ.
Abjom źniešniaha handlu tavarami i pasłuhami za studzień-žnivień 2011 hoda skłaŭ 61 młrd. dołaraŭ (na 51,3% bolš, čym za anałahičny pieryjad minułaha hoda), u tym liku ekspart — 29,5 młrd. (na 60,7% bolš), impart — 31,5 młrd. (na 43,5% bolš).
Pavodle mietadałohii handlovaha bałansu, jakaja ŭličvaje źviestki Dziaržaŭnaha mytnaha kamiteta, u studzieni-žniŭni hetaha hoda admoŭnaje salda źniešniaha handlu tavarami skłała 3 młrd. 924,5 młn. dołaraŭ (za taki ž pieryjad minułaha hoda — minus 4 młrd. 967,9 młn.).
Asnoŭnymi krynicami farmiravańnia admoŭnaha salda byli ekspartna-impartnyja apieracyi z pramiežkavymi tavarami (enierhanośbity, syravina, materyjały i kamplektavalnyja). Ekspart pramiežkavych tavaraŭ skłaŭ 18 młrd. 75,7 młn. dołaraŭ, pavialičyŭšysia na 85,1%, impart — 22 młrd. 276,2 młn. (na 47% bolš).
Na enierhietyčnyja tavary prypadała 49,8% vartasnaha abjomu ekspartu i 52,5% impartu pramiežkavych tavaraŭ. Na źniešni rynak ich pastaŭlena na 9 młrd. 10,6 młn. dołaraŭ, što ŭ 2,4 razu bolš, čym u studzieni-žniŭni minułaha hoda. Impart enierhietyčnych tavaraŭ skłaŭ 11 młrd. 701,5 młn. dołaraŭ, što ŭ 1,7 razu bolš za anałahičny letašni pakazčyk. Salda źniešniaha handlu enierhanośbitami skłałasia admoŭnaje ŭ pamiery 2 młrd. 690,9 młn. dołaraŭ (u studzieni-žniŭni 2010 hoda — minus 3 młrd. 119,5 młn.)
Vieličynia admoŭnaha salda handlu spažyvieckimi tavarami ŭ studzieni-žniŭni hetaha hoda dasiahnuła 250,7 młn. dołaraŭ (u studzieni-žniŭni minułaha hoda — plus 218,8 młn. dołaraŭ).
Źniešni handal charčovymi tavarami za hety pieryjad charaktaryzavaŭsia stanoŭčym salda ŭ pamiery 1 młrd. 330,2 młn. dołaraŭ. U paraŭnańni sa studzieniem-žniŭniem 2010 hoda hety pakazčyk pavialičyŭsia na 334,6 młn. dołaraŭ.
Kamientary