Ale kanviertavać buduć pa kursie dadatkovaj siesii.
Ab hetym zajaviŭ u efiry prahramy «Kontury» telekanała ANT namieśnik staršyni praŭleńnia Nacyjanalnaha banka Biełarusi Taras Nadolny.
«Valutnyja kredyty stanovicca składana absłuhoŭvać nasielnictvu. Tamu ja rekamiendavaŭ by nasielnictvu bolš uvažliva pryhledziecca da toj idei, što valutnyja kredyty treba pa mahčymaści pieravodzić u biełaruskija, što źnizić nahruzku pa ich absłuhoŭvańni va ŭmovach rostu kursu», — adznačyŭ Taras Nadolny.
Jon taksama padkreśliŭ, što hramadzianie Biełarusi na praciahu apošniaha miesiaca mohuć svabodna kanviersavać valutnyja ŭkłady ŭ biełaruskija rubli. I aryjenciram dla ich moža vystupać kurs dadatkovaj siesii. U adpaviednaści z daručeńniem kiraŭnika dziaržavy Nacbank i banki abaviazany stvaryć umovy dla svabodnaj kanviersacyi valutnych układaŭ u rublovyja i naadvarot. Tamu kožny hramadzianin maje prava na kanviersacyju biez abmiežavańniaŭ.
Ale tut klučavym momantam dla hramadzianina źjaŭlajecca kurs kanviersacyi.
«Siońnia my aryjentujem banki rabić hetyja kanviersacyi, zychodziačy z kursu dadatkovaj handlovaj siesii»,— padkreśliŭ pradstaŭnik Nacbanka.
Havoračy ab ilhotnym kredytavańni žyllovaha budaŭnictva, jon, miž tym, parekamiendavaŭ adekvatna i kompleksna hladzieć na hetu prablemu. «Treba dakładna razumieć: čym bolš kredytnych srodkaŭ uźnikaje ŭ ekanomicy, čym bolš kredytaŭ vydajecca, tym bolšy adbyvajecca nacisk na valutny kurs, — zaŭvažyŭ Taras Nadolny. — Čym bolš svabodnych hrošaj u abaračeńni, a kredyty — heta i jość svabodnyja hrošy ŭ abaračeńni, tym bolšaja vierahodnaść taho, što kurs biełaruskaha rubla pačnie asłablacca. U suviazi z hetym siońnia sapraŭdy treba adekvatna i kompleksna hladzieć na hetu prablemu».
Jon taksama skazaŭ, što ŭradam Biełarusi, Nacyjanalnym bankam da kanca miesiaca budzie ŭrehulavana pytańnie lhotnaha kredytavańnia budaŭnictva žylla. «Da kanca miesiaca, ja liču, budzie ŭrehulavana heta pytańnie, pryniaty ŭkaz ab źmianieńniach va ŭkaz numar 185 „Ab pradastaŭleńni hramadzianam ilhotnych kredytaŭ na budaŭnictva (rekanstrukcyju) abo nabyćcio žyłych pamiaškańniaŭ“ ad 14 krasavika 2000 h.», — vykazaŭ jon prahnoz. Paśla hetaha ŭrad i Nacbank i pačnuć zajmacca niepasredna farmiravańniem stratehii pa lhotnamu kredytavańniu na nastupny hod.
Kamientary