Pavodle źviestak Biełstata, u studzieni-vieraśni 2011 hoda realizacyja harełki pavialičyłasia na 17,3% u paraŭnańni z takim ža letašnim pieryjadam. Pradadziena 8 młn. 934,3 tys. dał harełki, jaje dola ŭ ahulnym abjomie spažyvańnia ałkaholu skłała 45% (u studzieni-vieraśni 2010 hoda — 42,9%).
Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni-vieraśni 2011 hoda skłała 10,3%. Na spažyvieckim rynku realizavana ałkaholnych napojaŭ i piva na 5,6 trłn. rubloŭ.
Piva za dzieviać miesiacaŭ pradadziena 26 młn. 669,7 tys. dał, što na 12,8% bolš za anałahičny letašni pakazčyk. Dola hetaha napoju ŭ ahulnym abjomie spažyvańnia ałkaholu skłała 13,4% (za studzień-vierasień 2010 hoda — 13,3%).
Likiora-harełačnych vyrabaŭ realizavana 1 młn. 572,3 tys. dał (+35,6%), vinahradnych vin — 2 młn. 327,7 tys. dał (bolš na 15,7%), pładovych vin — 12 młn. 582,4 tys. dał (mienš na 0,2%). Pładovyja viny zaniali 28,5% u abjomie prodažu ałkaholnaj pradukcyi (u studzieni-vieraśni 2010 hoda — 31,9%).
Kańjaku i brendzi pradadziena 246,7 tys. dał (na 38,1% bolš), pienistych vin i šampanskaha — 944,7 tys. dał (na 24,6% bolš), słabaałkaholnych napojaŭ — 653,7 tys. dał (mienš na 31,5%).
Kamientary