Były ambasadar Vialikabrytanii Brajan Bieniet vydaŭ knihu pra Biełaruś.
«Šakujučaja kazka z našych časoŭ» — tak charaktaryzujuć novuju knihu «Apošniaja dyktatura Jeŭropy: Biełaruś pad Łukašenkam» . Brajan Bieniet, jaki šmat hadoŭ byŭ ambasadaram Vialikaj Brytanii ŭ Biełarusi, napisaŭ knihu ŭspaminaŭ.
«Hetaja kniha nie spadabajecca Alaksandru Łukašenku» — kažuć pradstaŭniki biełaruskaj supolnaści ŭ Łondanie.
«Biełaruś, izalavanaja kraina pad kiraŭnictvam adzinaha biaźlitasnaha lidara, źjaŭlajecca apošniaj dyktaturaj sučasnaj Jeŭropy, --
pišuć pra knihu vydaŭcy. -- Niahledziačy na zachaplalnuju historyju, bahatuju kulturu, i cudoŭnyja krajavidy, tolki niekalki nierezidentaŭ padarožničać i atrymlivać asałodu ad bahaćciaŭ Biełarusi, i chacia hramadzianie zdajucca pryjaznymi i haścinnymi, jany žyvuć pad pastajannaj pahrozaj aryštu. Biełaruś isnuje pa-za sučasnymi jeŭrapiejskimi normami, zamarožanaja ŭ časie tyraničnaha režymu, jaki kaliści padmanuŭ svaich hramadzian, prymusiŭšy ich dumać, što novy lidar paviadzie ich u śvietłuju budučyniu. Zamiest hetaha, Alaksandr Łukašenka pravodzić tyraničnuju madel kiravańnia, takuju samuju, jak i tyja, chto kiravaŭ da jaho. Brajan Bieniet adsočvaje historyju Biełarusi ad raspadu Savieckaha Sajuza da 2006 hoda. Jon apisvaje zachapleńnie, adčutaje mnohimi biełarusami paśla pieršych prezidenckich vybaraŭ 1994 hoda, i chałodnaje ŭśviedamleńnie taho, što kraina viartajecca na kruhi svaja. Pra heta śviedčyć praviadzieńnie niedemakratyčnych refierendumaŭ, padtasavanych vybaraŭ, padazronyja źniknieńni, i žorstkaje padaŭleńnie hramadskaj apazicyi. Bieniet skančaje ŭvažlivym analizam fienomiena Łukašenki i šlachu, jakim u adzin cudoŭny dzień jahony režym moža abrynucca».
Nabyć knihu možna tut. Vydaviectva Columbia University Press.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary