Kalektyvy ź Biełarusi, Rasii, Polščy i Łatvii prymuć udzieł u VI adkrytym fiestyvali pravasłaŭnych piesnapieńniaŭ Hrodzienskaj jeparchii 1‑3 lutaha.
Kalektyvy ź Biełarusi, Rasii, Polščy i Łatvii prymuć udzieł u VI adkrytym fiestyvali pravasłaŭnych piesnapieńniaŭ Hrodzienskaj jeparchii 1‑3 lutaha.
Jak paviedamiŭ karespandentu BIEŁTA sakratar jeparchii protaijerej Anatol Nienartovič, štohadovy fiestyval arhanizavany sumiesna z upraŭleńniem kultury abłvykankama i abłasnym mietadyčnym centram narodnaj tvorčaści z metaj papularyzacyi chryścijanskich kaštoŭnaściej, pavyšeńnia vykanalnickaha ŭzroŭniu pravasłaŭnych piesnapieńniaŭ u prychodskich i śvieckich kalektyvach.
Konkursnyja vystupleńni projduć 1 i 2 lutaha ŭ zale Hrodzienskaha haradskoha Doma kultury. 3 lutaha ŭ Hrodzienskaj abłasnoj fiłarmonii adbudziecca ŭznaharodžańnie i hała‑kancert łaŭreataŭ i dypłamantaŭ fiestyvalu.
Subiasiednik adznačyŭ, što majsterstva kalektyvaŭ acenić kampietentnaje žury, jakoje ŭznačalić śviaščeńnik Śviata‑Barysa‑Hlebskaj (Kałožskaj) carkvy, člen Biełaruskaha sajuza kampazitaraŭ, łaŭreat Dziaržaŭnaj premii Respubliki Biełaruś, łaŭreat premii «Za duchoŭnaje adradžeńnie» Andrej Bandarenka. Pieramožcy buduć vyznačany ŭ vaśmi naminacyjach: «carkoŭnyja chary jeparchii», «carkoŭnyja ansambli jeparchii», «carkoŭnyja chary i carkoŭnyja ansambli h.Hrodna», «chary śviaščennasłužycielaŭ i duchoŭnych škoł», «śvieckija kalektyvy (prafiesijnaja katehoryja)», «śvieckija kalektyvy (amatarskaja katehoryja)», «dziciačyja carkoŭnyja kalektyvy», «dziciačyja śvieckija kalektyvy».
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary