Biełaruskaja charčovaja pramysłovaść pieraaryjentujecca na eŭrapiejski rynak

Pradpryjemstvy APK Biełarusi majuć namier pavialičyć pastaŭki siertyfikavanaj u adpaviednaści ź mižnarodnymi standartami pradukcyi na jeŭrapiejski rynak, paviedamiŭ u intervju karespandentu BIEŁTA ministr sielskaj haspadarki i charčavańnia Leanid Rusak.

Pavodle jaho słoŭ, Biełaruś moža štohod ekspartavać u Jeŭropu 500 młn. štuk jajek, kala 3 młn.t małočnych vyrabaŭ (ćviordych syčužnych syroŭ, śmietankovaha masła, naturalnamałočnaj i inšaj pradukcyi).

Ciapier pierapracoŭčyja pradpryjemstvy pradajuć amal pałavinu vypuskajemaj pradukcyi na ekspart, pryčym nie tolki ŭ rasijskija rehijony. Na bolšaści pradpryjemstvaŭ haliny praviedziena rekanstrukcyja, ukaraniony sistemy mieniedžmientu jakaści ISO 9000, biaśpieki charčovych praduktaŭ na asnovie pryncypaŭ NASSR. Mnohija majuć śpiecyjalny ekspartny vieterynarny numar.

Leanid Rusak źviarnuŭ asablivuju ŭvahu na toje, što jakaść biełaruskaj pradukcyi vysoka aceńvajuć mižnarodnyja ekśpierty Subrehijanalnaha biuro FAO (Charčovaj i sielskahaspadarčaj arhanizacyi AAN). Jany prybyli 28 studzienia ŭ Minsk pravieści acenku pradpryjemstvaŭ haliny. Hałoŭnaj admietnaj asablivaściu biełaruskaj pradukcyi ekśpierty nazvali vykarystańnie tolki naturalnaj syraviny, adsutnaść kansiervantaŭ i štučnych zamieńnikaŭ. Tym nie mienš, biełaruskim vytvorcam treba budzie jašče papracavać nad upakoŭkaj i dyzajnam vyrabu. Akramia taho, nieabchodna pavysić patrabavańni da jakaści syraviny, siertyfikavać uvieś cykł vytvorčaści nie tolki na pierapracoŭčych pradpryjemstvach, ale i na fiermach i kompleksach, adkul pierapracoŭščyki atrymlivajuć syravinu.

Z ulikam hetaha Minsielhascharč źviarnuŭsia ŭ Subrehijanalnaje biuro FAO pieraprafilavać prajekt «Stvareńnie mahčymaściej pa pavieličeńniu abjomaŭ ekspartu biełaruskaj sielskahaspadarčaj pradukcyi ŭ krainy ES» u prajekt «Stvareńnie sistemy kantrolu pakazčykaŭ biaśpieki praduktaŭ charčavańnia, adpaviednaj patrabavańniam suśvietnaha handlu». Realizacyja hetaha prajekta daść mahčymaść pavialičyć pastaŭki siertyfikavanaj i kankurentazdolnaj pradukcyi na jeŭrapiejski rynak, ličyć Leanid Rusak.

U čas rabočaha vizitu ŭ Biełaruś ekśpiertaŭ FAO, jaki pradoŭžycca da 31 studzienia, pradstaŭniki hetaj mižnarodnaj arhanizacyi naviedajuć ahrakambinaty «Ždanovičy» i «Dziaržynski».

Ilustracyja z sajtu Enterprise Plc

• 0
• 0
• 0
• 0
• 0
• 0
• 0
• 0