«Nu, Vy, šanoŭny Pavieł Izotavič, i nakałoli droŭ ŭ svaim numary za 27 studzienia!». Čarhovy ahlad «Sovietskoj Biełoruśsii» ŭ błogu Lolika Uškina.
Nu, Vy, šanoŭny Pavieł Izotavič, i nakałoli droŭ ŭ svaim numary za 27 studzienia!
Maju na ŭvazie rezanansny artykuł Valanciny Kazłovič «Priklučienija ułovimych mstitielej», hałoŭnaja fieńka jakoha — «Oskorblenije v Intiernietie možiet obiernuťsia dla «šutnika» uhołovnym diełom».
Nia viedaju, kamu byŭ adrasavany tekst, niaŭžo tamu piercu - hieroju artykuła, jaki pastaviŭ fotki byłoj siabroŭki na parnahrafičnym sajcie, abo jamu padobnym psicham?
Moža ŭ nas masavaja moda - kali ciabie kidaje kachanka abo kachany, stavić jaje fotki na pornasajtach? .
Tady, prabačcie, ja drenna viedaju biełarusaŭ. Prynamsi naviedvalnikaŭ parnušnych forumaŭ paśla publikacyi pra «ułovimych mstitielej «mienš absalutna nie stała. Naŭrad jany ŭvohule čytajuć SB. Chiba što poŭnyja mańjaki?
Reahavali na zamietku Kazłovič vyklučna apazicyjnyja admarozki. Kožny sajt oppaŭ pieradrukavaŭ prahon vašaj Vali.
O, jany, admarozki, adrazu pačuli čym śmiardzić dla ich hety artykuł. Jany zrazumieli, što napiaredadni nastupnaha refierendumu abo vybaraŭ, ich buduć brać na nary nie za łajanku na vulicy, a ŭ siecivie. Pryčym na hety raz buduć pryšyvać nie fiktyŭnyja spravy, a jurydyčna daskanałyja: viadoma što samy palitkarektny nik našaha lubimaha kiraŭnika na tutbajeŭskich forumach — AHŁajed.
Zrazumieła, što baćkafoby zaraz syjduć u «krytku»: anijakich AHŁajedaŭ ci «preikaŭ» u myłach ci na čartach.
U vyniku šmat, chto z vorahaŭ narodu zastaniecca na svabodzie.
Apazicyjanieram na čarhovym furšietu paśla čarhovaha sieminaru zastajecca tolki ŭźniać kubak: «nastupny tost, spadartsva, za Paŭła Izotaviča, jaki papiaredziŭ ab tym, što jość piłoty uzbudžeńnia kryminalnych spraŭ za łajanku ŭ internecie. Kali b nie SB, kukavali b my zaraz na Akreścina«.
Maju nadzieju takich prakołaŭ bolš nie budzie, sp. Jakubovič
Vaš fanatyčny čytač
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary