Źmicier Bandarenka — kandydat na premiju Sacharava 3

Kandydatura palitviaźnia Źmitra Bandarenki prajšła ŭ finał adboru naminantaŭ na premiju imia Andreja Sacharava za svabodu dumki. Pieramožcu abvieściać na nastupnym tydni.

Siarod pretendentaŭ na premiju taksama aktyvisty «Arabskaj viasny» i pradstaŭniki supolnaści San-Chase de Apartada, jakija zaznali pieraśled u Kałumbii.

27 krasavika davieranuju asobu kandydata ŭ prezidenty Andreja Sańnikava, kaardynatara «Jeŭrapiejskaj Biełarusi» Źmitra Bandarenku asudzili na 2 hady kałonii ahulnaha režymu. U palityka paśla aryštu dyjahnastavali niekalki hryžaŭ dyskaŭ chrybietnika i ŭščamleńnie śpinnamazhavych niervaŭ. 25 lipienia jaho dastavili z Respublikanskaj turemnaj balnicy na vulicy Vaładarskaha ŭ 5-ju balnicu, dzie na nastupny dzień zrabili apieracyju.

Ciapier Bandarenka znachodzicca ŭ Mahiloŭskaj kałonii.

Premija imia savieckaha navukoŭca i dysidenta Andreja Sacharava była zasnavanaja ŭ śniežni 1985 hoda Jeŭraparłamientam. Jana prysudžajecca asobam ci arhanizacyjam, jakija abaraniajuć pravy i svabody ludziej.

U 2004 h. premiju atrymała Biełaruskaja asacyjacyja žurnalistaŭ. U 2006-m — kandydat na vybarach prezidenta 2006-ha, ciapierašni kiraŭnik ruchu «Za svabodu» Alaksandr Milinkievič.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH