20 kastryčnika ŭ Kijevie adkryty pomnik kłasiku biełaruskaj litaratury Uładzimiru Karatkieviču.
Va ŭračystaj cyrymonii pryniali ŭdzieł ministry kultury Biełarusi i Ukrainy Pavieł Łatuška i Michaił Kułyniak, dziejačy kultury i mastactva dźviuch krain.
Łatuška adznačyŭ, što
Karatkievič adyhraŭ vialikuju rolu ŭ biełaruskaj kultury: jon daŭ biełarusam razumieńnie taho, što biełaruski narod maje bahatuju historyju, jakaja źjaŭlajecca častkaj jeŭrapiejskaj historyi.
Pa słovach ministra, pomnik faktyčna stanie znakam jadnańnia biełaruskaha i ŭkrainskaha narodaŭ.
Jon padkreśliŭ vialiki ŭpłyŭ ukrainskaj kultury na tvorčaść Uładzimira Karatkieviča. «U svaich mnohich mastackich tvorach i litaraturaznaŭčych artykułach piśmieńnik źviartaŭsia da ŭspaminaŭ pra žyćcio va Ukrainie, daśledavaŭ tvorčaść Tarasa Šaŭčenki, Lesi Ukrainki, Ivana Franka i inšych», — skazaŭ Łatuška.
Pomnik Uładzimiru Karatkieviču ŭ Kijevie stvorany biełaruskimi skulptarami Kanstancinam Sielichanavym, Aleham Varvašeniaj i architektaram Alaksandram Korbutam.
Finansavańnie prac pa stvareńni pomnika ažyćciaŭlałasia za košt srodkaŭ reziervovaha fondu prezidenta Biełarusi.Pracy pa ŭstalavańni pomnika ŭ Kijevie i dobraŭparadkavańniu prylehłaj terytoryi pravodzilisia za srodki kijeŭskaj meryi.
fota BiełTA
