Siaredni zarobak u Biełarusi dasiahnuŭ 311 dalaraŭ, ale dalejšy jaho rost nia musić pieravyšać rostu pradukcyjnaści pracy, zajaviŭ namieśnik ministra ekanomiki.
Temp rostu realnaj zarabotnaj płaty ŭ 2007 hodzie pavinien być supastaŭny z rostam pradukcyjnaści pracy. Ab hetym paviedamiŭ namieśnik ministra ekanomiki Andrej Tur 29 studzienia, adkazvajučy na pytańni žurnalistaŭ.
Jon adznačyŭ, što siaredni ŭzrovień zarpłaty ŭ cełym pa narodnaj haspadarcy ŭ śniežni skłaŭ $311,8 u ekvivalencie pry zapłanavanych $300. U biudžetnaj śfiery hety pakazčyk dasiahnuŭ $287 (prahnoz — $265). Pavodle słoŭ namieśnika ministra, u biahučym hodzie «takaja zadača rezkaha pryrostu zarabotnaj płaty nie staić». «Nam ciapier vielmi važna, asabliva ŭ isnujučych umovach, kali ceny na enierharesursy značna pavysilisia, zachavać asnoŭnyja makraekanamičnyja praporcyi pamiž rostam pradukcyjnaści pracy i rostam realnaj zarabotnaj płaty. Jany pavinny być abo supastaŭnyja adzin da adnaho, abo pradukcyjnaść, pavodle našych raźlikaŭ, pavinna choć by na 0,5 pracentnaha punkta pieravyšać rost realnaj zarabotnaj płaty», — adznačyŭ Andrej Tur.
«Vielmi važna, jak my spracujem u studzieni. Kali my vyjdziem na prahnozny pakazčyk pa VUP, pradukcyi pramysłovaści, sielskaj haspadarcy, možna budzie havaryć ab tym, što samy ciažki pieryjad subjektyŭnych inflacyjnych čakańniaŭ projdzieny i ekanomika pačynaje ŭciahvacca ŭ narmalny režym funkcyjanavańnia», — reziumavaŭ namieśnik ministra.
Fota photo.bymedia.net
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)