Hałoŭnaj metaj ruchu źjaŭlacca «pašyreńnie palityčnaha, sacyjalna‑ekanamičnaha i kulturnaha supracoŭnictva pamiž Biełarusiu i Rasiejaj». Ruch Vajtoviča padtrymaŭ rasiejski palitolah Andrej Suzdalcaŭ.
17 studzienia ŭ Maskvie adbyłasia ŭstanoŭčaja kanferencyja, na jakoj było pryniataje rašeńnie ab stvareńni Mižnarodnaha hramadzkaha ruchu «Supracoŭnictva i prahres». Staršyniom ruchu adzinahałosna byŭ vybrany były śpikier Savietu Respubliki, akademik Alaksandar Vajtovič. Siarod zasnavalnikaŭ ruchu taksama kandydat na prezydenckich vybarach‑2001 Mikałaj Miakieka, a taksama prezydent Mižnarodnaj asacyjacyi abarony pravoŭ čałavieka Valer Dunajeŭ.
Pa słovach Vajtoviča, u pačatku lutaha ustanoŭčaja kanferencyja maje prajści ŭ Miensku, paśla ŭ Kijevie i Vilni, tolki tady buduć padadzieny dakumenty na rehistracyju. Ruch budzie zarehistravany ŭ Rasiei, bo, jak kaža Alaksandar Vajtovič, zrabić heta ŭ Biełarusi amal niemahčyma.
Hałoŭnaj metaj ruchu źjaŭlacca «pašyreńnie palityčnaha, sacyjalna‑ekanamičnaha i kulturnaha supracoŭnictva pamiž Biełarusiu i Rasiejaj», a taksama «dapamoha ŭ stanaŭleńni demakratyčnaj dziaržavy ŭ Biełarusi, padtrymki niezaležnaj biełaruskaj dziaržavy z boku Rasiei i ŭsioj suśvietnaj supolnaści».
Vajtovič paabiacaŭ, što ŭžo bližejšym časam adździaleńni ruchu majuć źjavicca ŭ susiednich krainach, prynamsi, u Litvie, na bazie vykładčykaŭ i studentaŭ EHU.
Pamočnik Vajtoviča Anatol Fiodaraŭ adznačyŭ, što «dla Biełarusi nie padychodzić madel «pseŭdliberalnych» reformaŭ, jakuju prapanoŭvaje apazycyja». «Realizacyja našych prajektaŭ u ramkach prahram abjadnanaj apazycyi značna b zvuziła koła našych patecyjnych prychilnikaŭ, — adznačyŭ Vajtovič. – Ale pa tych punktach, dzie my budziem mieć ahulnyja mety, my, naturalna, budziem supracoŭničać».
Jašče adzin z pastulataŭ ruchu: «My majem na mecie supracoŭničać z uładaj, nakolki ŭłada hatovaja supracoŭničać z nami i my budziem vymušać jaje supracoŭničać. My ličym, što heta budzie na dabro krainy. My nia chočam nijakich revalucyjaŭ u Biełarusi».
Ruch Vajtoviča padtrymaŭ rasiejski palitolah Andrej Suzdalcaŭ, jaki zajmajecca biełaruskimi daśledavańniami. Toj samy, jaki niadaŭna zaklikaŭ ažyćciavić pakazalnyja departacyi biełarusaŭ z Rasiei.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary