Łukašenka padčas pobytu ŭ Vilni ŭ vieraśni 2009 h., Lrytas.lt
Alaksandr Łukašenka prapanoŭvaje Jeŭrapiejskamu sajuzu i ZŠA admovicca ad palityki sankcyj i viarnucca da poŭnafarmatnaha ŭzajemadziejańnia.
«Upeŭnieny, daŭno pryjšoŭ čas admovicca ad hetych štučnych barjeraŭ, zamšełych stereatypaŭ i rasčyścić šlach dla poŭnafarmatnaha ŭzajemadziejańnia», — zajaviŭ A. Łukašenka ŭ subotu ŭ Dušanbe, vystupajučy ŭ Tadžykskim techničnym univiersitecie.
Jak adznačyŭ Łukašenka, «užyvanyja dvajnyja standarty, sproby cisku i niejkija tam sankcyi nikoli nie byli i nie stanuć kanstruktyŭnym elemientam palityki».
Łukašenka zajaviŭ, što
«ŭskładnieńni ŭ adnosinach ź ES i ZŠA ŭźnikajuć nie pa našaj vinie».«My ščyra imkniemsia da naładžvańnia dobrasusiedstva i kanstruktyŭnaha ŭzajemadziejańnia», — skazaŭ jon. Pavodle jaho słoŭ, «intares da dyjałohu i vybudoŭvańnia narmalnych adnosin u nas abjektyŭna pavinien prysutničać z abodvuch bakoŭ». Pry hetym, padkreśliŭ A. Łukašenka,
«my nie staim z praciahnutaj rukoj, vyprošvajučy supracoŭnictva, a my jaho prapanujem».
Havoračy ab adnosinach z ZŠA,
Łukašenka adznačyŭ, što nie Biełaruś była inicyjataram ciapierašnich składanaściaŭ.«Naadvarot, Biełaruś zaŭsiody była adkaznym partnioram Złučanych Štataŭ u baraćbie z teraryzmam, narkatrafikam, admyvańniem hrošaj i handlem ludźmi», — zajaviŭ jon. «My i siońnia akazvajem peŭnaje sadziejničańnie Vašynhtonu ŭ vyrašeńni viadomaj vam afhanskaj prablemy», — adznačyŭ A. Łukašenka.
0
0
0
0
0
0
