«U hetym niespraviadlivym, biazdonnym śviecie samym spraviadlivym suśvietnym orhanam źjaŭlajecca Carkva. Chaciełasia b, kab jana skazała ŭ abaronu spraviadlivaści».
Ad katalickaj carkvy i asabista ad papy Bieniedykta XVI my čakajem bolšaha ŭ abaronie našych intaresaŭ, asabliva na Zachadzie.
Pra heta Alaksandar Łukašenka zajaviŭ 14 listapada ŭ Minsku padčas sustrečy sa staršynioj Papskaj rady pa sadziejničańni chryścijanskamu adzinstvu Kurtam Kocham i mitrapalitam Minskim i Słuckim, patryjaršym ekzarcham usioj Biełarusi Fiłaretam.
«My nie prymajem toj palityki, jakaja ciapier pravodzicca jeŭrapiejcami adnosna Biełarusi. Heta nienarmalna.Tamu my b čakali bolš aktyŭnaj pazicyi ŭ hetym kirunku ad katalickaj carkvy.
Chaciełasia b, kab Carkva skazała ŭ abaronu spraviadlivaści», — zajaviŭ Łukašenka.
Kiraŭnik Biełarusi nahadaŭ ab svajoj sustrečy ŭ 2009 h. z papam. Jon adznačyŭ, što na jaho hetaja sustreča zrabiła «vielmi mocnaje ŭražańnie».
«Ja ŭdziačny za tuju padtrymku, jakuju akazvaje nam katalickaja carkva, u tym liku na mižnarodnaj arenie. Usio, što ja abiacaŭ tady, my vykanali», — zajaviŭ Łukašenka.
Łukašenka adznačyŭ mirnaje isnavańnie ŭsich kanfiesij u krainie.
«Ź pieršych dzion naradžeńnia niezaležnaj Biełarusi ŭ asnovu byli pakładzienyja chryścijanskija kaštoŭnaści. Dumaju, vy dobra infarmavanyja pry situacyju ŭ Biełarusi, relihijnuju situacyju. Viadučaj kanfiesijaj u Biełarusi źjaŭlajecca pravasłaŭje, druhaja pa značnaści — katalickaja carkva. Pamiž dźviuma kanfiesijami ŭ nas ustalavalisia pryjaznyja, braterskija adnosiny. Ja heta vielmi caniu».
Pamiž uradam Biełarusi i Biełaruskaj pravasłaŭnaj carkvoj byŭ zaklučany dahavor ab supracoŭnictvie. «Taki ž dahavor pamiž uradam i Katalickaj carkvoj raspracavany, jon hatovy, i ŭ pierspektyvie jon moža być padpisany», — skazaŭ Łukašenka.
Jon paprasiŭ pradstaŭnika Vatykana pieradać Bieniedyktu XVI «samyja dobryja pažadańni, doŭhich hadoŭ žyćcia i burnaj dziejnaści».
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary