Ivaškievič: Narodnyja schody piarojduć z centralnych vulic i płoščaŭ u damy i dvary
Narodnyja schody pakul nie płanujecca pravodzić u vyhladzie ahulnarespublikanskich i ahulnaharadskich akcyj. Pra heta BiełaPAN paviedamiŭ adzin ź inicyjataraŭ Narodnaha schodu palityk Viktar Ivaškievič.
«Budziem arhanizoŭvać pa damach, u dvarach, mikrarajonach, tam, dzie jość inicyjatyŭnyja ludzi», — skazaŭ jon. Takaja forma praviadzieńnia akcyi budzie zachoŭvacca datul, pakul nie buduć stvorany hrupy padtrymki patrabavańniaŭ udzielnikaŭ Narodnaha schodu, jakija ŭklučali b kala 10% žycharoŭ, paviedamiŭ palityk. «Tady ludzi zmohuć abjadnoŭvacca ŭ ahulnyja haradskija kamitety i prymać rašeńni ab akcyjach pratestu», — padkreśliŭ jon.
Ivaškievič paviedamiŭ, što pakul akcyi nie dajuć płanavanaha efiektu.
«Chacia ludzi padtrymlivajuć našy patrabavańni, maralna ŭchvalajuć našy dziejańni, ale vychodzić na vulicy pakul bajacca»,— skazaŭ jon. Pry hetym palityk padkreśliŭ, što z samaha pačatku Narodny schod byŭ nie formaj pratestu, a sposabam arhanizacyi ludziej dla jaho vykazvańnia.
Nahadajem, Narodnyja schody prajšli 8 kastryčnika i 12 listapada. U kastryčniku akcyja adbyłasia prykładna ŭ dziesiaci haradach Biełarusi, u listapadzie — tolki ŭ troch. U Minsku na mierapryjemstva pryjšli prykładna 50 čałaviek, u Homieli — kala 70, u Baranavičach — prykładna try dziasiatki.
-
Anatol Vajciachoŭski spakojna pryjechaŭ u Biełaruś rejsavym aŭtobusam
-
«Takich skockich adnosin, jak u baranavickim SIZA, ja nidzie nie sustrakała». Piensijanierka Alena Hnaŭk raskazała, jak ź jaje ździekavalisia za kratami
-
Na BT zajavili, što špijon Uładzimir Usier pisaŭ z Polščy ŭ kamisiju pa viartańni
U zahinułaj u Ślapiancy dziaŭčynie apaznali Janu Kastrankovu2
Kamientary