Tut źbiariucca zbudavać zavod pa vytvorčaści śvincu.
Staršynia Bieraściejskaha abłasnoha adździaleńnia ruchu «Za svabodu» Źmicier Traćciak atrymaŭ adkaz ź Biarozaŭskaha rajvykankamu nakont budaŭnictva ŭ Biełaaziorsku zavodu pa vytvorčaści śvincu.
Spadar Traćciak dasyłaŭ zapyt u rajvykankam, kab daviedacca, ci pravodzilisia ŭ Biełaaziorsku hramadzkija słuchańni dla abmierkavańnia z žycharami pytańniaŭ, źviazanych z adkryćciom škodnaj vytvorčaści.
U adkazie z rajvykankamu aktyvistu paviedamlajuć: «U suviazi z tym, što hramadzkaść nie źviarnułasia z zajavaj pra nieabchodnaść praviadzieńnia schodu pa abmierkavańni spravazdačy ab acency ŭździejańnia na navakolnaje asiarodździe abjekta „Zavod pa vytvorčaści śvincu i spłavaŭ“ u miascovyja vykanaŭčyja i rasparadčyja orhany da 20 žniŭnia 2011 hodu, h.zn. na praciahu 10 pracoŭnych dzion ad apublikavańnia paviedamleńnia ab hramadzkich abmierkavańniach, schod pa abmierkavańni nie pravodziŭsia».
Źmicier Traćciak kaža, što takim adkazam jon zusim nie zadavoleny: «Zrazumieła, nichto ž i nia źvierniecca, bo infarmacyi pra heta mała, ludzi nia viedajuć, nichto na schod nikoha nie zaprašaŭ. Jak zvyčajna, u nas usio robicca ŭpotajki, choć takim čynam ułady pakazvajuć svajo staŭleńnie da hramadztva, prostych žycharoŭ. Jak na jaki subotnik, to ledź nie prymusam ludziej zhaniajuć, a na niavyhadnyja dla siabie pytańni — adkazy imknucca schavać».
Hramadzki dziejač kaža, što ruch «Za svabodu» budzie dabivacca praviadzieńnia ŭ Biełaaziorsku naležnych hramadzkich słuchańniaŭ pa pytańni adkryćcia zavodu pa vyrabie śvincu.
Planavany ŭ Biełaaziorsku zavod pa vytvorčaści śvincu pavinien stać adnym z cyklaŭ vyrabu ŭ Biełarusi akumulataraŭ.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ3
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary