Uvaha!
Z 5 lutaha 2007 h. na telekanale ANT, 23.20 raspačynajecca amerykanski seryjał (26 vypuskaŭ) - "Bajcoŭski klub" (2005). Ale zamiest jaho lepiej pahladzieć Bajcoŭski klub Dejvida Finčera. Karcina počastu demanstravałasia na televizii, jość na ličbie i videa.
Bajcoŭski klub (Fight Club)
ZŠA - Niamieččyna, 1999, kalarovy, 139 chv.
Režyser: Dejvid Finčer
Roli vykonvajuć: Edvard Nortan, Bred Pit, Helena Bonem-Karter, Mit Łaf, Ryčmand Arkiet
Žanr: Trymcieńnik, tryźnieńnik, satyryka-anarchisckaja drama pavodle ramanu Čaka Pałaniuka
Adznaka: 7,5 (z 10)
Ścipły klerk ź pistaletam u ruce ŭzhadvaje apošnija padziei… Kab pazbavicca biessani, hieroj (Edvard Nortan) chodzić u hrupy dla bieznadziejna chvorych. Tam jon płača, słuchaje čužyja spoviedzi – i adyli śpić spakojna.
Ale adnojčy klerk znajomicca z anarchistam Tajłeram Dardenam (Bred Pit). Novy znajomy vučyć klerka varyć myła z tłušču (skradzienaha z pamyjnicy kasmetyčnaje kliniki), abychodzicca małym – i zachaplacca ahresijaj. Siabry zasnoŭvajuć "Bajcoŭski klub", dzie z asałodaj łupiać adzin adnaho pa fizii.
Filijały klubu rastuć, jak hryby, terarystyčna-padpolnaje sieciva pracinaje hramadztva – i hieroj užo nia zdolny spynić razbureńnie…
Satyryka-anarchisckaja drama, pastaŭlenaja pa knizie Čaka Pałaniuka, ździekujecca z hramadztva spažyvańnia j praročyć pra padziei 11 vieraśnia. Sytaje hramadztva ciažarnaje teraryzmam, ekzystencyjnaja nuda viadzie da ahresii. Ale film składaniejšy: kpiny flirtujuć z daścipnymi kinacytatami, apakaliptyčny finał abrynajecca šokavym adkryćciom, a ŭ subtytrach schavany ździek.
Dla staroj historyi pra mistera Džekiła j doktara Hajda Dejvid Finčer znachodzić samaje niečakanaje kinaŭvasableńnie.
