11.00
U zale suda — pasły Litvy, Čechii, kiraŭniki dypłamatyčnych misij ZŠA, Francyi, Hiermanii, Vienhryi, a taksama
Za kratami na łavie padsudnych — Aleś Bialacki. Ludzi vitajuć jaho, vykazvajuć salidarnaść.
11.05
Sudździa Siarhiej Bandarenka pačaŭ začytvać prysud.
11.17
Na prośbu Bialackaha začytvajecca ŭvieś prysud, paviedamiła radyjo «Svaboda». A
vynikovaja častka budzie pierakładacca na biełaruskuju movu.
Sudździa čytaje:
sud ustanaviŭ uchileńnie Bialackaha ad padatkaŭ, začytvaje tyja ž ličby atrymanych im prybytkaŭ, što i nazyvalisia prakuroram.
Sudździa čytaje skarahavorkaj. Jon zapavolvaje čytańnie tolki na ličbach.
11.29
Sudździa pierakazvaje pakazańni Bialackaha, jaki nie pryznaŭ svaju vinu i zajaviŭ, što vykarystoŭvaŭ hrošy na pravaabrončuju dziejnaść, jany nie byli jahonym prybytkam.
Sud pryznaŭ vinu dakazanaj.
Taciana Raviaka dastała vialiki płakat «Svabodu Bialackamu» z partretam pravaabaroncy za kratami. Achova i sudździa nijak nie reahujuć.
11.30
Prysud abvieščany:
sudździa Siarhiej Bandarenka asudziŭ Alesia Bialackaha na 4,5 hady źniavoleńnia ŭ kałonii ŭzmocnienaha režymu z kanfiskacyjaj majomaści. Čas znachodžańnia pad vartaj u SIZA zaličvajecca ŭ termin. Aproč taho, pravaabaronca musić spłacić dziaržavie 721 miljon strataŭ i 36 miljonaŭ sudovych vydatkaŭ.
11.27
Prysutnyja sustreli prysud vokličami «Hańba sudu!»
Prakorora Uładzimira Sajkoŭskaha pravodzili z zały ździeklivymi apładysmientami.Bialacki sustreŭ prysud mužna. Jon padymaje ścisnuty kułak uhoru: calidarnaść.
Jon vyhuknuŭ: «Žyvie Viasna!»
Na abskardžvańnie prysudu dajecca 10 dzion. Miera strymańnia Bialackamu nie źmienienaja — jon budzie dalej znachodzicca ŭ SIZA na Vaładarskaha.
Supadzieńnie abo, ale
na nastupny dzień paśla abviaščeńnia prysudu, 25 listapada, Biełaruś i Rasija majuć padpisać šerah pahadnieńniaŭ u hazavaj śfiery, u vyniku jakich Biełaruś atrymaje tanny haz.
* * *
Prakuror Uładzimir Sajkoŭski prasiŭ sud Pieršamajskaha rajona Minska prysudzić pravaabaroncu da piaci hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści pa art. 243 KK (uchileńnie ad upłaty padatkŭ u bujnych pamierach).
Advakat Bialackaha Dźmitryj Łajeŭski śćviardžaŭ, što pazicyja abvinavačańnia budujecca vyklučna na zdahadkach i nie adpaviadaje normam Kryminalnaha kodeksa.