Vakalist BI-2 — unuk Arkadzia Kulašova?
Ale cikavaj biełaruskamoŭnaj pieśni dla vykanańnia hurt «pakul nie znajšoŭ».
Rasijskija rokiery biełaruskaha pachodžańnia, udzielniki hurta BI-2, nie zabylisia biełaruskuju movu, niahledziačy na toje, što źjechali ź Biełarusi šmat hadoŭ tamu.
Pra heta jany raskazali 27 listapada na
pres-kanfierencyi ŭ Minsku.
Sustreča z žurnalistami prajšła pierad kancertam u Pałacy sportu, na jakim BI-2 pradstavili svoj novy albom Spirit.
Jak pryznalisia muzyki, havaryć pa-biełarusku im składana, ale «razumieć — razumiejem». Były biełarus Šura, ciapier hramadzianin Aŭstralii, padzialiŭsia z žurnalistami historyjaj pra toje, jak jamu ŭdałosia ŭ svoj čas u vučyliščy atrymać «vydatna» pa biełaruskaj movie i litaratury.
«U Lovy, dziakujučy jaho dziedu, Arkadziu Kulašovu, viadomamu biełaruskamu paetu, była doma bahataja biblijateka. Ja pieryjadyčna ŭ jaho tyryŭ knižki i prynosiŭ nastaŭnicy pa biełaruskaj jak chabar»
, — raskazaŭ Šura. Pakolki knihi byli z aŭtohrafami aŭtaraŭ, nastaŭnica vysoka acaniła viedy budučaha rokiera.
Na pytańnie, čamu ni ŭ adnym z vaśmi studyjnych albomaŭ u BI-2 niama pieśniaŭ na biełaruskaj movie, muzyki adkazali, što
pakul «nie znajšłosia pieśni na biełaruskaj movie, jakaja zacikaviła b hurt».
«Sam ja nie pišu pieśni na biełaruskaj movie. Nie razhladalisia takija varyjanty, tamu što ničoha vartaha nie było», — zajaviŭ Lova.
Pa słovach udzielnikaŭ BI-2, vystupać u rodnym horadzie — vialikaja adkaznaść.
«Niervy svavolać, — pryznaŭsia Lova. — Siońnia da nas pryjdzie vielmi šmat siabroŭ. Dla arhanizataraŭ naš vystup u Minsku — zaŭsiody hałaŭny bol. Jak praviła, biletaŭ 100 treba vyłučyć na našych siabroŭ. Jość niekalki haradoŭ, takich jak Minsk, Babrujsk, Jerusalim,
Tel-Aviŭ, Ryha, dzie ŭ nas vielmi šmat siabroŭ».
Novy albom Spirit, jaki BI-2 pryvieźli ŭ Minsk, staŭ pieršym albomam hurta, što vyjšaŭ nie na tradycyjnych CD-nośbitach. BI-2 vykłali jaho ŭ internecie, na sajcie sacyjalnaj sietki «Płanieta», biez padtrymki jakich-niebudź łejbłaŭ. Stvoranaja ŭ 2011 hodzie jak alternatyva tradycyjnamu farmatu CD i dziejnaści muzyčnych pirataŭ, «Płanieta», pa słovach BI-2, stavić svajoj metaj sabrać u adnym miescy ŭsiu intelektualnuju ŭłasnaść rasijskaj muzyki i dastupna danieści jaje da šyrokich mas. U suviazi z hetym BI-2 prapanavali miełamanam zarehistravacca na «Płaniecie», kab lehalna słuchać i spampoŭvać muzyku, a taksama ŭdzielničać u dyskusijach ź jaje aŭtarami.
Udzielniki BI-2 taksama raskazali pra svoj novy radyjoprajekt «Substancyja». «Naša prahrama «Ideałohija» na radyjo «Maksimum» spyniła svajo isnavańnie, pakinuŭšy niezapoŭnienuju prastoru i ŭ efiry, i ŭ našym sercy. Pakul radyjo «Substancyja» isnuje tolki ŭ internet-farmacie, ale my spadziajemsia, što letam nastupnaha hoda ŭžo budzie fm-viaščańnie», — skazaŭ Lova.
U zaviaršeńnie pres-kanfierencyi muzyki nazvali imia pieramožcy konkursu na pryzy hrupy ŭ spabornictvie na najlepšyja vieršy da muzyki ź ich kampazicyi «Ślizkija vulicy» — dva kvitki na kancert hrupy vyjhrała Elza Babuk.
Kamientary