paviedamiŭ pres-sakratar MNS Vital Navicki.
Pavodle infarmacyi DVA «Biełenierha» na 9.00 28 listapada, adnoŭlena elektrazabieśpiačeńnie ŭ 59 nasielenych punktach.
U MNS taksama paviedamili, što 27 listapada ŭ 22.30 u Voranaŭskaje padraździaleńnie MNS (Hrodzienskaja vobłaść) ad dyśpietčara Voranaŭskaj centralnaj rajonnaj balnicy pastupiła paviedamleńnie, što ŭ vioscy Dajnova Bastunskaha sielsavieta adbyłosia adklučeńnie aparata štučnaha žyćciezabieśpiačeńnia (kancentratara kisłarodu), pad jakim znachodzicca mužčyna 1970 hoda naradžeńnia, invalid 1 hrupy. Adklučeńnie aparata adbyłosia z-za prablem z padačaj elektraenierhii (byli abiastočanyja čatyry nasielenyja punkty). Dla zabieśpiačeńnia časovaha elektrazabieśpiačeńnia aparata rabotniki MNS padklučyli bienzahienieratar. Heta dazvoliła praduchilić spynieńnie dychańnia i vyratavać žyćcio čałavieka, zaznačyli ŭ pres-słužbie. U 22.58 padača elektraenierhii ŭ vioscy Dajnova była adnoŭlenaja, u 00.27 — adnoŭlenaja padača elektraenierhii ŭ astatnich nasielenych punktach.
Pavodle źviestak Hidramieteacentra, 27 listapada ŭ Biełarusi pieravažała vietranaje nadvorje. Na bolšaj častcy chutkaść vietru składała da 15–20 m/s, minułaj nočču miescami paryvy vietru dasiahali 21–24 m/s (24 m/s u Stoŭbcach i Vaŭkavysku). 28 listapada Biełaruś praciahvaje znachodzicca pad upłyvam aktyŭnych atmaśfiernych frantoŭ ad cykłonu z centram nad Biełym moram. Viecier paŭdniova-zachodni ź pierachodam na paŭnočna-zachodni mocny paryvisty, u asobnych rajonach vielmi mocny paryvisty. Maksimalnaja tempieratura pavietra dniom składzie plus 3–8°S.
Kamientary