Aktyvist Svabodnaha prafsajuza, były kiraŭnik arhanizacyi Partyi BNF u Barysavie (Mienskaja vobłaść) Anatol Askierka byŭ zvolnieny ź biełaruska‑niamieckaha sumiesnaha pradpryjemstvie «Frebor». Pra heta pres‑centru Chartyi'97 paviedamiŭ barysaŭski aktyvist apazicyi Źmicier Barodka. Cikava, što dyrektaram SP, adkul zvolnili Askierku, niadaŭna staŭ były staršynia Barysaŭskaha harvykankama Vasil Burhun.
Paśla taho, jak na čale biełaruska‑niamieckaha pradpryjemstvam staŭ Vasil Burhun, z pracaŭnikami pačali zaklučać pracoŭnyja kantrakty. Z bolšaściu pracoŭnych pradpryjemstva kantrakty byli zaklučanyja na termin ad 3 da 5 hadoŭ. Adnak palityčna aktyŭnamu ślesaru Anatolu Askierku kiraŭnictva «Frebora» prapanavała pracoŭny kantrakt na adzin hod.
Anatol Askierka adpracavaŭ na pradpryjemstvie 15 hadoŭ, tamu jon zakonna patrabavaŭ, kab ź im zaklučyli kantrakt na 5 hadoŭ. Adnak Vasil Burhun admoviŭsia heta zrabić. Kantrakt zaklučany nie byŭ, i Anatol Askierka straciŭ pracu.
Aktyvist Svabodnaha prafsajuza źviazvaje niezaklučeńnie ź im kantraktu z «asabistaj pomstaj» byłoha kiraŭnika horada.
