Zbornaja Biełarusi pa futbole ŭ sieradu praviała ŭ Tehieranie tavaryski matč suprać nacyjanalnaj kamandy Iranu. Našy zbornyja ŭžo adnojčy sustrakalisia. U žniŭni 2003 hodu ŭ Miensku biełarusy pieramahli ź likam 2:1.
Darečy, zbornaja Biełarusi sutyknułasia z prablemaj u pošuku partnera. Daviałosia vybirać pamiž Iranam i Venesuełaj, pamiž dvuma sajuźnikami vybar byŭ zrobleny na karyść azijackaj krainy. Zbornaja Iranu vystupała na letašnim čempijanacie śvietu ŭ Niamieččynie, ale nie zmahła vyjści z hrupy. U suśvietnym rejtynhu Iran zajmaje 35‑aje miesca, Biełaruś znachodzicca ŭ vośmym dziesiatku.
Pierad hulnioj nacyjanalnych kamandaŭ matč praviali moładzievyja zbornyja, biełarusy akazalisia macniejšymi — 1:0. Hoł na rachunku bieraściejskaha «dynamaŭca» Vaładźko.
Starejšyja kamandy ŭ svaju čarhu razyhrali bajavuju ničyju. Užo na 6‑j chvilinie biełarusy prapuścili hoł paśla ŭdaru Rasuła Chacibi. U pačatku druhoha tajmu biełarusy vyjšli napierad dziakujučy dublu Viačasłava Hleba, ale nie zmahli ŭtrymać pieramohi. Za dźvie chviliny da finalnaha śvistka lik vyraŭniaŭ Mechdzi Radžabzade.
Vyhladaje, što takim vynikam zastalisia ŭsie zadavolenyja.
