Partyja BNF, AHP, «Spraviadlivy śviet», chadeki, Ruch «Za svabodu» i kampanija «Havary praŭdu» znoŭ sustrelisia za kruhłym stałom.
U parłamienckich vybarach 2012 hoda ŭ Biełarusi «kaalicyja šaści» budzie udzielničać, ale ŭ jakim farmacie — jašče nie vyznačana. Pra heta zajaviŭ adzin z udzielnikaŭ kaalicyi, namieśnik staršyni Abjadnanaj hramadzianskaj partyi (AHP) Leŭ Marholin 6 śniežnia paśla sustrečy lidaraŭ «kaalicyi šaści» u Minsku.
Pavodle słoŭ Marholina, na sustrečy abmiarkoŭvaŭsia płan palityčnych dziejańniaŭ na kaniec 2011 hoda i na 2012 hod. «Kaalicyja šaści» pryniała rašeńnie ab pačatku farmiravańnia ahulnaha śpisu palityčnych lidaraŭ u krainie dla praviadzieńnia sumiesnych palityčnych akcyj, nie vyklučajučy i parłamienckija vybary. «Vyrašana, što hałoŭny ciažar farmiravańnia hetych śpisaŭ budzie na našych rehijanalnych arhanizacyjach i kaalicyjach», — adznačyŭ jon.
«Palityčnyja partyi nie mohuć nie udzielničać ŭ vybarach, tamu ŭ vybarach my budziem udzielničać u lubym vypadku, ale farmat hetaha ŭdziełu jašče nie vyznačany. Heta moža być i bajkot, aktyŭny bajkot z tłumačeńniem našaj pazicyi ci ŭdzieł u parłamienckich vybarach u jakaści kandydataŭ ad kaalicyi», — skazaŭ Marholin.
Jon paviedamiŭ, što AHP sfarmuluje svaju aficyjnuju pazicyju padčas źjezda partyi. «Ale ja dumaju, što bolšaść siabraŭ partyi ŭsio ž taki prytrymlivajucca toj pazicyi, što kali nie budzie nijakich źmienaŭ u farmacie praviadzieńnia vybaraŭ, u vybarčym zakanadaŭstvie i kali nie buduć vypuščany palitviaźni, to, napeŭna, my vyłučać svaich kandydataŭ nie budziem», — skazaŭ pradstaŭnik AHP.
Nahadajem, u «kaalicyju šaści» uvachodziać
pradstaŭniki Partyi BNF, AHP, Biełaruskaj partyi levych «Spraviadlivy śviet», partyi «Biełaruskaja chryścijanskaja demakratyja», ruchu «Za Svabodu» i kampanii «Havary praŭdu!».
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im2
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary