Prakuratura Leninskaha rajona Minska vyniesła treciaje aficyjnaje papiaredžańnie Uładzimiru Niaklajevu.
Prakuratura Leninskaha rajona Minska 6 śniežnia vyniesła čarhovaje aficyjnaje papiaredžańnie Uładzimiru Niaklajevu, kandydatu ŭ prezidenty Biełarusi na vybarach 2010 hoda, lidaru hramadzianskaj kampanii «Havary praŭdu!».
Nahadajem, 20 maja sud Frunzienskaha rajona Minska pryznaŭ Niaklajeva vinavatym na padstavie č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) u suviazi z padziejami 19 śniežnia 2010 hoda i pryhavaryŭ da dvuch hadoŭ pazbaŭleńnia voli z adterminoŭkaj vykanańnia pryhavoru na dva hady. Palityk pavinien rehularna adznačacca ŭ milicyi, infarmavać jaje pra svaje pajezdki, viartacca damoŭ nie paźniej za 22.00. Niaklajeva papiaredzili, što adterminoŭka pakarańnia budzie admieniena, kali jon stanie dapuskać parušeńni ŭstanoŭlenych dla jaho praviłaŭ pavodzin.
Heta ŭžo treciaje papiaredžańnie, vyniesienaje Niaklajevu. Pieršaje było atrymana 3 kastryčnika za pajezdku ŭ Varšavu na vieraśnioŭski samit Uschodniaha partniorstva. 10 kastryčnika Niaklajeŭ atrymaŭ papiaredžańnie za ŭdzieł u apazicyjnaj akcyi «Narodny schod», jakaja adbyłasia 8 kastryčnika ŭ stalicy i šerahu inšych biełaruskich haradoŭ.
Hetym razam, pavodle słoŭ palityka,
prakuratura ŭbačyła parušeńnie ŭ jaho pajezdcy na Dziady ŭ Kreva (Smarhonski rajon Hrodzienskaj vobłaści).«Na maju radzimu, na mahiły maich baćkoŭ, dziadoŭ i pradziedaŭ. Takoha, kab karali za ŭšanavańnie pamiaci prodkaŭ, jašče ŭ Biełarusi nie było, — zajaviŭ Niaklajeŭ. — Mabyć, dvuch kandydataŭ u prezidenty ŭ turmie dla Łukašenki padałosia mała. Nu, pasadziać mianie za pajezdku na mahiły prodkaŭ, ale heta rašeńnie budzie takoje ž niezakonnaje, jak i sud».
Palityk źviazvaje aficyjnaje papiaredžańnie z nadychodam hadaviny padziej 19 śniežnia 2010 hoda,kali ŭłady žorstka razahnali niesankcyjanavany mitynh suprać aficyjnych vynikaŭ prezidenckich vybaraŭ. Pavodle słoŭ Niaklajeva,
19 śniežnia jon abaviazkova pojdzie na płošču Niezaležnaści.«Navat va ŭstanoŭlenych imi „praviłach pavodzin“ nie napisana, što ja nie mahu ŭ maim horadzie ŭ luby dzień być tam, dzie zachaču», — padkreśliŭ
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary