Zimoj — try razy na tydzień, uletku — cełych piać.
Novy hrafik ruchu pasažyrskich ciahnikoŭ ŭvodzicca na darohach Jeŭropy z 11 śniežnia.
Novym hrafikam praduhledžana kursiravańnie pa Biełaruskaj čyhuncy ciahnika № 23/24 Maskva — Paryž. Razam z tym, admianiajecca kursiravańnie ciahnika № 13/14 Maskva — Bierlin, paviedamlaje sajt Biełaruskaj čyhunki.
Uzimku ciahnik № 23/24 Maskva — Paryž budzie kursiravać 3 razy na tydzień (ź Minska jon budzie adpraŭlacca ŭ paniadziełak, čaćvier i niadzielu), u letni pieryjad — 5 raz u tydzień (ź Minska adpraŭleńnie — paniadziełak, aŭtorak, čaćvier, subota i niadziela).
Tak, 12 śniežnia ź Minska ciahnik adpravicca ŭ 16:30, a ŭ Paryž prybudzie na nastupny dzień u 20:31 (šlach u darozie składzie — 30 hadzin z ulikam pieramieny hadzinnych pajasoŭ).
Ciahnik idzie prazBrest-Biełaruski , Varšavu, Poznań, Bierlin, Hanovier,Frankfurt-na-Majnie . Prybudzie ŭ stalicu Francyi na Uschodni vakzał.
Pakul sajt Biełčyhunki daje canu na miesca ŭ miakkim vahonie — 3 młn 237 tys. rubloŭ.
Źlotać ź Minska ŭ Paryž 13 śniežnia kaštuje ad 174 jeŭra (abmiežavany ekanom), što amal udvaja tańniej, čym u miakkim vahonie.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary