Lotnyja testy «Busła» prajšli na Barysaŭskim palihonie.
UpaviedamiłaFizika-techničnym instytucie Nacyjanalnaj akademii navuk Biełarusi pačynajuć sieryjnuju vytvorčaść bieśpiłotnych latalnych aparataŭ,
Pieršy biełaruski bieśpiłotny avijacyjny kompleks «Busieł», stvorany ŭ instytucie, paśpiachova prajšoŭ mižviedamasnyja pryjomačnyja vyprabavańni. Lotnyja testy pravodzilisia na Barysaŭskim vajennym palihonie z udziełam pradstaŭnikoŭ ministerstvaŭ pa nadzvyčajnych situacyjach, pryrodnych resursaŭ i achovy navakolnaha asiarodździa, unutranych spraŭ, Dziaržaŭnaha pahraničnaha kamiteta i RUP «Biellesavija». «U čas palavych vyprabavańniaŭ «Busieł» prademanstravaŭ zdolnaść videanahladu za miascovaściu i asobnymi abjektami, a taksama apieratyŭnaj pieradačy dadzienych», — raskazała
Hety bieśpiłotnik važyć 6,5 kh i zdolny nieści metavuju nahruzku ahulnaj vahoj da 1 kh. Dla ŭstanoŭki videakamiery, fotakamiery abo ciepłavizara ŭ aparacie praduhledžana śpiecyjalnaja płatforma. Pakul «Busieł» moža ažyćciaŭlać biespasadačny palot praciahłaściu 1 hadzinu. Adnak užo ŭ pačatku nastupnaha hoda dziakujučy vykarystańniu novych elemientaŭ bartavoha elektrasiłkavańnia vučonyja płanujuć pavialičyć hety čas da 90 minut.
Novy bieśpiłotny avijakompleks moža prymianiacca dla kantrolu za pryhraničnymi rajonami, aŭtamahistralami, lasnymi masivami i zapaviednikami.Takaja technika šyroka prymianiajecca taksama dla manitorynhu i praduchileńnia nadzvyčajnych situacyj.
U madelny šerah biełaruskich bieśpiłotnikaŭ uvachodziać taksama avijakompleksy «Stryž», «Hrak» i «Mišeń». Jany adroźnivajucca pryznačeńniem i funkcyjanalnymi mahčymaściami. Ciapier vučonyja vyvučajuć popyt na novyja aparaty, viaduć pierahavory z patencyjnymi spažyŭcami. Pakul razmova idzie ab pastaŭkach bieśpiłotnikaŭ na ŭnutrany rynak, adnak u budučym śpiecyjalisty nie vyklučajuć mahčymaści ekspartu hetaj pradukcyi.
U płanach vučonych — dalejšaje ŭdaskanaleńnie madelnaha radu bieśpiłotnikaŭ i pierachod na novyja napramki — vytvorčaść bieśpiłotnych latalnych aparataŭ siaredniaha i vialikaha kłasa. Raspracoŭku takoj techniki ŭ instytucie ŭžo raspačali.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary