Kamitet dziaržbiaśpieki Biełarusi ŭ 2011 hodzie spyniŭ dziejnaść šerahu kadravych supracoŭnikaŭ i ahientaŭ zamiežnych śpiecsłužbaŭ. Pra heta ŭ intervju dziaržaŭnamu ahienctvu BiełTA paviedamiŭ staršynia KDB Vadzim Zajcaŭ.
Pavodle jaho słoŭ, raskryty dziasiatki viarbovačnych padychodaŭ da biełarusaŭ z boku zamiežnych raźviedvalnych orhanaŭ, što dazvoliła papiaredzić i nie dapuścić učynieńnia hramadzianami Biełarusi ciažkich złačynstvaŭ i abaranić žyćciova važnyja intaresy dziaržavy ad zamachaŭ zamiežnych śpiecsłužbaŭ.
Zajcaŭ paviedamiŭ
, što sioleta za zdradu dziaržavie ŭ formie špijanažu Viarchoŭnym sudom pryhavorany da siami hadoŭ pazbaŭleńnia voli hramadzianin Biełarusi,jaki pradavaŭ infarmacyju ab abaronnym patencyjale krainy, budučy zavierbavanym adnoj sa śpiecsłužbaŭ krain NATO.
U 2011 hodzie ŭ KDB było
raspačata bolš za 50 kryminalnych spraŭ pa prykmietach karupcyjnych złačynstvaŭ,inšymi orhanami pavodle materyjałaŭ Kamiteta dziaržbiaśpieki — bolš za 80, skazaŭ Zajcaŭ. Asudžany 44 čałavieki, 33 ź ich — słužbovyja asoby.
Praduchilena nieabhruntavanaje raschodavańnie dziaržaŭnych srodkaŭ — bolš za 196 miljardaŭ rubloŭ, 137 miljonaŭ dołaraŭ i 2,6 miljona jeŭra.
Kamientary