Na minułym tydni na hod mieniej atrymaŭ kitajski piśmieńnik.
Vieteran kitajskaha demakratyčnaha ruchu Čeń Si, jaki prymaŭ udzieł u akcyi pratestu na płoščy Ciańańmeń u 1989 hodzie, asudžany na 10 hadoŭ źniavoleńnia.
Čeń Si byŭ pryznany vinavatym u padryŭnoj antydziaržaŭnaj dziejnaści na pracesie, jaki doŭžyŭsia niekalki hadzin. Jon apublikavaŭ u internecie artykuł, u jakim raskrytykavaŭ kitajskuju kampartyju.
Čeń Si ŭznačalvaŭ pravaabarončy forum u horadzie Hujian na paŭdniovym zachadzie Kitaja.
Pravaabaronca niekalki razoŭ prysudžaŭsia da roznych turemnym terminaŭ paśla ŭdziełu ŭ akcyjach pratestu ŭ 1989 hodzie.
Ekśpierty kažuć, što ŭłady Kitaja daŭno vykarystoŭvajuć praktyku turemnaha źniavoleńnia dla vieteranaŭ dysidenckaha ruchu z tym, kab prymusić ich spynić krytyku ŭrada.
Na minułym tydni za «padbuchtorvańnie da padryŭnoj dziejnaści suprać dziaržavy» 9 hod turmy atrymaŭ kitajski piśmieńnik Čeń Vej.
Jon apublikavaŭ u internecie niekalki svaich ese, jakija zaklikajuć da svabody słova i reformaŭ u adnapartyjnym kitajskim hramadstvie.
Kamientary