Biaspłatny prajezd dla studentaŭ i navučencaŭ u Minsku da leta zachavajecca, miarkuje pradstaŭnik Minharvykankama.
«Pavodle majoj infarmacyi, studenty i navučency ŭ Minsku, prynamsi, da leta buduć jeździć u hramadskim transparcie biaspłatna», — zajaviŭ 28 śniežnia na
Pry hetym jon padkreśliŭ, što ŭpraŭleńnie, jakoje jon uznačalvaje, «nie zajmajecca hetym pytańniem». «Tamu dakładnaj infarmacyi ja vam dać nie mahu. Heta vyrašaje kiraŭnictva Minharvykankama i «Minsktrans», — patłumačyŭ śpiecyjalist.
Pavodle słoŭ Micianskaha, na hety momant taryf na prajezd u hramadskim transparcie nasielnictva kampiensuje na 44%, biudžetnaje subsidavańnie — na 56%.
Jon paviedamiŭ, što pradpryjemstvy «Minsktrans» i «Staličny transpart i suviaź» vychodzili z prapanovaj ab čarhovym pavyšeńni taryfaŭ, pytańnie razhladałasia ŭ Minharvykankamie i ŭ Minekanomiki. «Pytańnie pakul vyrašajecca», — udakładniŭ Micianski.
Nahadajem, 1 listapada taryf na prajezd u hramadskim transparcie Minska pavyšany z 950 da 1.300 rubloŭ za adnu pajezdku. Rašeńnie ab biaspłatnym prajeździe dla minskich studentaŭ i navučencaŭ było pryniata 13 vieraśnia.
Kamientary