«2011 byŭ ciažkim. Było šmat strat i rasčaravańniaŭ. Ale ci majem my prava zdavacca?» — piša Natalla Radzina ŭ svaim akaŭncie ŭ Fejsbuku. Sajt Charter97.org zastajecca niedastupnym paśla taho, jak 29 i 30 śniežnia jaho dvojčy ŭzłomvali.
Charter97.org — samy papularny infarmacyjny sajt Biełneta. Štodzionna jaho čytajuć u siarednim sa 110 tysiač kampjutaraŭ. Heta ŭ 20 razoŭ bolšaja aŭdytoryja, čym maje hałoŭny rupar łukašenkaŭskaj prapahandy — hazieta «Sovietskaja Biełoruśsija». «Chartyja» zavajavała papularnaść dziakujučy svajoj bieskampramisnaj krytyčnaści da fieadalnaj dyktatury, jakaja ŭstanaviłasia ŭ Biełarusi. Vydaŭcy sajta vymušany byli emihravać ź Biełarusi paśla padziej Płoščy 2010 hoda, pryčym Radzina ŭciakła
Ataki na sajt zdaralisia i raniej, ale ŭpieršyniu chakiery zdabyli parol ad administratyŭnaj častki sajta i raźmiaścili tam brudny artykuł. Dziejańni chakieraŭ padpadajuć pad mižnarodnaje zakanadaŭstva ab kibierzłačynnaści.