N'Dur — nie tolki vydatny muzyka, ale i siońnia adzin ź lidaraŭ sieniehalskaj apazicyi.
Znakamity muzyka Jusu N'Dur abviaściŭ pra namier bałatavacca na pasadu prezidenta Sieniehała.
Supiernikam Jusu na vybarach, pryznačanych na luty, budzie dziejučy kiraŭnik krainy Abdułaj Vad, jaki idzie na treci termin.
Sieniehalskaja apazicyja ličyć, što treci termin Vada, jaki znachodzicca va ŭładzie ŭžo 11 hadoŭ, budzie supiarečyć Kanstytucyi krainy.
Letam 2011 h. z-za prapanavanych Vadam papravak u vybarčaje zakanadaŭstva krainy ŭ Sieniehale adbylisia samyja masavyja za čas jaho znachodžańnia na pasadzie prezidenta akcyi pratestu. U vyniku papraŭki, adna ź jakich prapanoŭvała abjaŭlać pieramožcam vybaraŭ kandydata, jaki nabraŭ tolki 25% hałasoŭ, pryniatyja nie byli.
Jusu N'Dur staŭ prykmietnaj fihuraj u sieniehalskaj apazicyi tolki ŭ apošnija niekalki miesiacaŭ,ale raniej jon aktyŭna zajmaŭsia hramadskaj dziejnaściu, byŭ, u pryvatnaści, pasłom dobraj voli JUNISIEF.
Suśvietnuju viadomaść Jusu N'Duru prynios ułasny muzyčny styl, jaki spałučaje narodnuju sieniehalskuju muzyku z salsaj, džazam i chip-chopam.
Samaj papularnaj kampazicyjaj ŭ vykanańni Jusu N'Dura źjaŭlajecca "7 seconds" - duet ź Nienaj Čery, zapisanaja ŭ 1994 h.
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka9
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
Pravakatarka, jakaja razhulvaje pa Breście z rasijskim Z-ściaham — supracoŭnica Kamiteta sudovych ekśpiertyz9
Kamientary