Siamion Šapira: «Uščylniać centr Hrodna nie budziem» 3

U chodzie pres-kanfierencyi Siamion Šapira padkreśliŭ, što ŭščylniać centr horada nie płanujecca. Ale śledam za starym žyllom, jakoje adpravicca pad znos, treba vyrašyć pytańnie i z budynkami, jakija z-za niadobrasumlennych haspadaroŭ pačynajuć razburacca, zamiest taho kab prynosić karyść horadu.

«Havorka idzie, pierš za ŭsio, pra takija budynki, jak były restaran „Biełastok“, dom kupca Muraŭjova, eks-haścinicu „Biełastok“. Na žal, kali raniej zaklučali damovy ź inviestarami, nie ahavorvali terminy zaviaršeńnia pracaŭ. U vyniku zdača abjektaŭ zaciahnułasia. Siońnia ź imi pierazaklučajucca damovy, u jakich za nievykanańnie abaviazacielstvaŭ praduhledžanyja surjoznyja sankcyi», — zajaviŭ Šapira.

Tak, uładalniku daŭhabudu ŭ 4-j balnicy na skryžavańni vulicy Kabiaka i praśpiekta Janki Kupały dali dva hady na ŭźviadzieńnie handlovych płoščaŭ na 50 tysiač kvadratnych mietraŭ i jašče hod na pabudovu kulturna-zabaŭlalnaha centra.

Nie paśpieje — ź ziamloj daviadziecca raźvitacca.

Sioleta ŭ abłasnym centry źjaviacca novyja abjekty kulturnaj śfiery: fiłarmonija z załaj na 1100 miescaŭ i novy maładziožny kulturna-zabaŭlalny centr z mahčymaściami dla praviadzieńnia volnaha času dla ŭsioj siamji — ad hulnievych pakojaŭ i hurtkoŭ dla dziaciej da fitnies-centraŭ i sałonaŭ pryhažości dla darosłych — u Domie kultury budaŭnikoŭ u centry Hrodna.

Što tyčycca Kałožskaj carkvy, to nie ŭsie sprečnyja pytańni vyrašanyja.

Pobač ź joju ŭzvodzicca, jak i płanavałasia, carkoŭna-prychadski kompleks, na jaki ŭžo vydatkavana kala 2 miljardaŭ rubloŭ.

«U nas niama prava na pamyłku, tamu my vyvučajem roznyja prajekty i padychody: ci varta adnaŭlać ścianu, jakaja abvaliłasia 150 hadoŭ tamu? A moža, draŭlanaja ściana Kałožy ŭžo taksama častka historyi, i praściej nakryć chram śpiecyjalnym kałpakom i pakinuć jak jość? U hramadstvie niama adzinaha mierkavańnia. Nam nieabchodna zaklučeńnie JUNIESKA: ci nie stracić paśla rekanstrukcyi carkva svoj status pomnika architektury? A voś navakolle chrama nieabchodna pryvieści ŭ paradak u najbližejšy čas. Nie dumaju, što tak składana zaasfaltavać darožki, pabudavać novuju leśvicu. Kali nadvorje dazvolić, pačniem pracy ŭžo ŭzimku», — abiacaje čynoŭnik.

U 2013 hodzie ŭ abłasnym centry pačniecca budaŭnictva pałaca hulnievych vidaŭ sportu.

Na pustyry ŭ 4-j balnicy ŭ Višniaŭcy źjaviacca čatyry zały dla valejboła, handboła, baskietboła i tenisa, a z časam i adkrytyja korty, i futbolnyja placoŭki.

«Sioleta ŭ Hrodnie pabudujem novy kryty katok: niedarahi, mabilny, jaki pracuje kruhły hod, jon daść mahčymaść razhruzić Ladovy pałac, — ličyć hubiernatar. — Taksama ŭkładvajem hrošy ŭ futboł. Heta treba nie stolki dla prestyžu rehijonu, kolki dla našych zaŭziataraŭ, haradžan. Hledziačy, jak jany pieražyvajuć na trybunach, razumieješ, što nie darma vydatkavanyja srodki. A samaje hałoŭnaje, što da sportu dałučajucca dzieci».

Čynoŭnik adznačyŭ, što na raźvićcio fizičnaj kultury i sportu sioleta płanujecca vydatkavać ź biudžeta bolš za 128 miljardaŭ rubloŭ.

Vialikija nadziei čynoŭniki ŭskładajuć na supracoŭnictva ź inviestarami. Raspracavany ceły śpis prapanoŭ dla biźniesmienaŭ. Siarod ich — budaŭnictva zabaŭlalnaha centra na miescy staroha piŭzavoda ŭ centry horada. Užo raspracavany prajekt, jakim zajmaŭsia instytut «Hrodnasielbudprajekt», adnak inviestara pakul nie znajšli.

Siarod inšych turystyčnych prajektaŭ, jakija prapanoŭvajucca da realizacyi, — stvareńnie kulturna-ramiesnaha kompleksu z konnym dvarom, kuźniaj, hančarnaj majsterniaj, etnavioskaj dy inšymi abjektami. U Sapockinie, što la samaj miažy z Polščaj, miarkujecca pabudavać infrastrukturu dla aktyŭnaha adpačynku: park atrakcyjonaŭ, viełasipiednyja, hornałyžnyja i sankavyja trasy, ladovuju koŭzanku, snoŭbord-park, tenisnyja korty i spartyŭny kompleks.

Adarja Huštyn, tio.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH