Fotafakt: Sialanka na ideałahičnym płakacie ŭ Breście bolš nie pakazvaje «nieprystojny žest»
Fotazdymak padkarektavali, schavaŭšy siaredni palec sialanki biełym materyjałam.
U Breście na płoščy Lenina vypravili «ideałahičny lap», piša «Briestskaja hazieta». Vosieńniu minułaha hoda abłasnuju došku honaru ŭpryhožyli vialikimi stendami z fotazdymkami. Na adnym ź ich była vyjava sialanak ź siarpami ŭ rukach. Adna z žančyn na fota, trymajučy sierp, nieznarok demanstruje nieprystojny žest. Paśla pieršaj publikacyi ŭ «BH» hety kazus niejki čas abmiarkoŭvali na forumach i ŭ sacialnych sietkach. Vidavočna, što hetuju aktyŭnaść zaŭvažyli dzie treba i ciapier fotazdymak padkarektavali, schavaŭšy siaredni palec sialanki biełym materyjałam.
Kamientary