Budzie ŭviedziena płata za prajezd pa aŭtadarozie Puchavičy — Babrujsk 3

U Biełarusi moža vyraści kolkaść płatnych aŭtadaroh, paviedamili ŭ departamiencie «Biełaŭtadar» Ministerstva transpartu i kamunikacyj.

Mintrans razhladaje mahčymaść uviadzieńnia płaty za prajezd na ŭčastku Puchavičy — Babrujsk aŭtadarohi M5 Minsk-Homiel. Rekanstrukcyja hetaha ŭčastka ciapier ažyćciaŭlajecca za košt kredytnych resursaŭ Suśvietnaha banka. Čakajecca, što hetyja raboty zavieršacca letam 2013 hoda.

«Kredytnaje pahadnieńnie z Suśvietnym bankam pa rekanstrukcyi ŭčastka Puchavičy — Babrujsk praduhledžvaje ŭkaranieńnie sistemy apłaty darožnych zboraŭ z vykarystańniem sučasnych technałohij», — raskazali ŭ departamiencie. Ciapier biełaruski bok vyznačaje, jakaja kampanija zojmiecca realizacyjaj hetaha prajekta. «Viaducca pierahavory, u tym liku z adnoj z aŭstryjskich kampanij», — dadali ŭ Biełaŭtadary.

Pakul ža ŭ Biełarusi płatnaj zastajecca tolki adna aŭtamahistral M-1/Je30 Brest — Minsk — miaža Rasijskaj Fiederacyi.

Jak paviedamlałasia, u bližejšym budučym u Biełarusi płanujecca pačać rekanstrukcyju jašče adnaho ŭčastka aŭtadarohi M-5 — Žłobin-Homiel. Jak čakajecca, prajekt budzie ažyćciaŭlacca za košt kitajskaha kredytu. U płanach darožnikaŭ taksama rekanstrukcyja ŭčastka Babrujsk-Žłobin aŭtadarohi M-5.-

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH