Top-7: Chto vyjhraje i prajhraje ad novaj bazavaj vieličyni?

Rezki rost bazavaj vieličyni (z 35 000 da 100 000 rubloŭ), prymierkavany da 1 krasavika, adabjecca na kožnym biełarusie. I na tych, chto znachodzicca na dziaržaŭnaj słužbie, i na tych, chto maje ŭłasnuju spravu. I navat na biespracoŭnych.

«Naša Niva» skłała rejtynh tych, chto zastaniecca ŭ vyjhryšy ad reformy, a chto, naadvarot, prajhraje.

U plusie:

1. Tyja, chto atrymlivaje biudžetnyja vypłaty

Bazavaja vieličynia — adzin z pakazčykaŭ, da jakich farmalna pryviazvajecca pamier sacyjalnaj dapamohi. Havorka viadziecca pra piensii, stypiendyi, dapamohu biespracoŭnym, dapłaty nastaŭnikam i daktaram, invalidam, šmatdzietnym siemjam i inšym katehoryjam biełarusaŭ. Adnak niavarta čakać, što ŭsie vypłaty z 1 krasavika vyrastuć utraja. Kali rost i budzie, to, chutčej, niaznačny.

2. Pradstaŭniki tvorčych prafiesij

Hanarary za tvory mastactva vyrastuć utraja. Za apošni čas minimalny zarobak pastajanna pavialičvaŭsia, a hanarary, pryviazanyja da bazavaj vieličyni, nie źmianialisia. Zastajučysia na ŭzroŭni 2007 hoda, jany nijak nie stymulavali da plonnaj pracy.

3. Pradprymalniki

Spraščeńnie pracy — adzin ź plusaŭ, jakija zajmiejuć z 1 krasavika ŭładalniki drobnaha biznesu. Naprykład, atrymlivajučy štomiesiac 100 miljonaŭ rubloŭ, indyvidualny pradprymalnik nie budzie pavinien adkryvać raźlikovy rachunak u banku. Zaraz taki limit składaje 35 miljonaŭ rubloŭ. A voś najaŭnych hrošaj ad banku možna budzie atrymać bolš — da 30 miljonaŭ rubloŭ za dzień. Adnak usie «plusy» dla pradprymalnikaŭ nivielirujucca istotnym minusam, źviazanym z arendnaj płataj (hladzi nižni rejtynh)

U minusie:

1. Pradprymalniki

Niekalki hadoŭ tamu arendnaja płata za pamiaškańni vyličvałasia ŭ jeŭra. Kurs rezka ros, tamu było vyrašana pryviazać arendu da bazavaj vieličyni — mierkavałasia, što jana budzie pavialičvacca pavolniej. U vyniku paśla niekalki hadoŭ zacišša arendnaja płata skoknie adrazu ŭtraja. Pradprymalniki buduć vymušanyja pierakłaści svaje vydatki na pakupnikoŭ. Tamu usich spažyŭcoŭ pasłuhaŭ taksama možna ŭmoŭna nazvać «paciarpiełymi».

2. Pravaparušalniki

Da bazavaj vieličyni pryviazanyja ŭsie štrafy. Naprykład, ciapier pakarańnie za bieźbiletny prajezd budzie składać 20 tysiač rubloŭ (a nie 7 000 rubloŭ, jak zaraz). Niekatoryja štrafy narešcie buduć vyhladać unušalna. Za ŭžyvańnie ałkaholnych napojaŭ možna zapłacić navat 1,5 miljona rubloŭ. «Padaražeje» i ŭdzieł u akcyjach pratestu. Prydumanaja niecenzurščyna moža kaštavać da 3 miljonaŭ rubloŭ.

3. Studenty

Adna ruka daje, druhaja zabiraje. Mahčymaje pavyšeńnie stypiendyj kampiensujecca padaražeńniem internataŭ. U zaležnaści ad stupieni kamfortu pražyvańnie ŭ ich kaštuje 1–3 bazavyja vieličyni. Z krasavika heta budzie 100–300 tysiač rubloŭ.

4. Tyja, chto afarmlaje dakumienty

Z 1 krasavika ŭtraja padaražejuć afarmleńnie pravoŭ, padača dakumientaŭ u ZAHS, zamiena pašparta i mnohija inšyja «papiarovyja» pracedury.

• 0
• 0
• 0
• 0
• 0
• 0