Viciebski aktyvistKansiervatyŭna-chryścijanskaj partyi — BNF Siarhiej Kavalenka praciahvaje haładoŭku pratestu suprać svajho zatrymańnia ŭ śledčym izalatary Viciebska. Pra heta BiełaPAN paviedamiła jaho žonka Alena Kavalenka.
Pavodle jaje słoŭ, 4 studzienia z Kavalenkam sustreŭsia advakat. «Ja prasiła advakata, kab jon adhavaryŭ Siarhieja ad haładoŭki, jakaja doŭžycca ŭžo 17 dzion. Ale ŭ advakata heta nie atrymałasia. Siarhiej zajaviŭ, što haładoŭku spynić tolki tady, kali jaho vyzvalać», — skazała Alena Kavalenka.
Jana paviedamiła, što pakul jaje muž «vyhladaje narmalna». «Pieryjadyčna jaho ahladaje ŭrač. Adnak mnie nie dazvalajuć pieradać Siarhieju navat minieralnuju vadu, choć jon sam nieadnarazova pra heta prasiŭ, i ja nieadnarazova sprabavała jamu vadu pieradać», — skazała Alena Kavalenka.
Jana taksama adznačyła, što advakat paśla sustrečy z padabaronnym paraiŭ joj schadzić na pryjom u śledčy izalatar Viciebska, dzie ŭtrymoŭvajecca Siarhiej Kavalenka, i paprasić spatkańnia z uračom. «Mahčyma, miedrabotniki daduć dazvoł na toje, kab pieradać Siarhieju vadu». U SIZA Alena Kavalenka źbirajecca siońnia, 5 studzienia. Taksama jana spadziajecca atrymać spatkańnie z mužam i pasprabavać pierakanać jaho, kab haładoŭku pratestu aktyvist usio ž spyniŭ.
Nahadajem, Siarhiej Kavalenka aryštavany ŭ miežach raspačataj u dačynieńni da jaho spravy pavodle artykuła 415 Kryminalnaha kodeksa (uchileńnie ad adbyvańnia pakarańnia ŭ vyhladzie abmiežavańnia voli). Aktyvistu pahražaje da troch hadoŭ pazbaŭleńnia voli. Nahodaj dla hetaha stali nibyta čatyry parušeńni, jakija Kavalenka ŭčyniŭ padčas adbyvańnia pakarańnia.
Kavalenku nieadnarazova zatrymoŭvała milicyja za arhanizacyju roznych akcyj. U mai 2010 hoda sud Kastryčnickaha rajona Viciebska pryhavaryŭ jaho da troch hadoŭ pazbaŭleńnia voli ŭmoŭna za vyviešvańnie
Kamientary