Raspačata kryminalnaja sprava pa artykule «zabojstva».
4 ctudzienia zatrymany mužčyna, jaki moža być datyčny da źniknieńnia ŭ navahodniuju noč školnicy ŭ Stolinskim rajonie. Pra heta BiełaPAN paviedamiŭ načalnik adździeła infarmacyi i suviazi z hramadskaściu Śledčaha kamiteta Biełarusi Pavieł Traulka.
Nahadajem,
13-hadovaja žycharka vioski Ladziec Julija Lašuk 1 studzienia kala hadziny nočy syšła z chaty ŭ miascovy Dom kultury i nie viarnułasia.
Pa słovach Paŭła Traulki, kiravańniem Śledčaha kamiteta pa Bresckaj vobłaści raspačata kryminalnaja sprava pa č. 1 art. 139 KK (zabojstva). Stvorana śledča-apieratyŭnaja hrupa z pradstaŭnikoŭ SK i milicyi. Zaraz zatrymany źjaŭlajecca padazravanym pa hetaj kryminalnaj spravie.
Iduć pravieračnyja mierapryjemstvy. Praviedziena kala 40 pieratrusaŭ.Čakajucca vyniki hienomatypičnaj ekśpiertyzy.
Rasśledavańnie znachodzicca na kantroli ŭ kiraŭnictva Śledčaha kamiteta Biełarusi.
***
Infarmacyja Stolinskaha RAUS
Prykmiety Julii Lašuk: na vyhlad 14—16 hadoŭ, rost kala 165 sm, siaredniaha ciełaskładu, tvar kruhły, koler zvyčajny, vałasy daŭžynioj da plačej, čornaha koleru, vočy šera-zialonaha koleru.
Była apranuta: kurtka (puchavik) šeraha koleru, daŭžynioj da kaleniaŭ, z kapiušonam, pa ablamoŭcy kapiušona majecca miech šeraha koleru, džynsy ciomna-siniaha koleru, majucca nievialikija plamy ŭ vyhladzie paciortaściaŭ, na padciažkach karyčnievaha koleru, kofta ŭ pałosku šera-karyčnievaha koleru z kapiušonam, trykatažnaja, drobnaj viazki, biusthaltar čornaha koleru, z ustaŭkami ružovaha koleru, šalik zialonaha koleru, pa bakach ustaŭki ružovaha koleru, škarpetki błakitnaha koleru i ciopłyja ružovaha koleru, kapronavyja kałhoty cialesnaha koleru, bociki zimovyja šeraha koleru, zzadu majecca zamočak daŭžynioj kala 15 sm.
Hramadzianam, jakija što-niebudź viedajuć pra miescaznachodžańnie Lašuk Ju.Ju. ci bačyli jaje paśla 04.10 hadzin 2012.01.01, a taksama pry vyjaŭleńni rečaŭ, jakija znachodzilisia na źnikłaj abo padobnych pa prykmietach, prośba nieadkładna paviedamić u Stolinski RAUS.
Kantaktnyja telefony: 8-01655-21232 (kryminalny vyšuk), 8-01655-24381 abo 102 (dziažurnaja častka).
Kamientary