Načalnik hałoŭnaha ŭpraŭleńnia UBEZ raskazaŭ, chto zarabiŭ miljony dalaraŭ na cukry.
Naprykancy maja minułaha hoda, kali biełarusy masava źmiatali z palicaŭ charčovyja i pramysłovyja tavary, Alaksandr Łukašenka zajaviŭ na ŭradavaj naradzie, što jamu «soramna za biełaruski narod, jaki stvaryŭ u krainie ažyjataž».
«Ja chaču źviarnucca da ludziej: spynicie ŭ svaich kvaterach, haražach i padvałach stvarać składy, — kazaŭ tady Łukašenka.
U samym pačatku 2012 hoda načalnik hałoŭnaha ŭpraŭleńnia baraćby z ekanamičnymi złačynstvami MUS Eduard Nikicin u intervju raskazaŭ, chto letaś zarabiŭ na ažyjatažy.
Za košt zadavalnieńnia handlem ažyjatažu vakoł cukru, na ekspart u 2011 hodzie nie adhruzili 90,3 tys. t na sumu $79,5 młn., paviedamiŭ ŭ hutarcy pra asablivaści cieniavoj ekanomiki Eduard Nikicin. Jon zadajecca pytańniem, na jakim etapie ŭ łancužku ad vytvorcy da spažyŭca źnik cukar, jaki nasamreč adsutničaŭ u kramach.
«Naiŭna było b mierkavać, što asnoŭnuju dolu skupili hramadzianie praz pryłaŭki»,— adznačaje milicejski načalnik i padmacoŭvaje svaje sumnievy kankretnym prykładam. Pravaachoŭnymi orhanami vyśvietlena, što ŭ červieni minułaha hoda
tolki Niaśvižskaje rajspažyŭtavarystva nabyła u AAT «Haradziejski cukrovy kambinat» dla roźničnaha handlu 101 tonu cukru. U kramy rajona trapili tolki 9 ton, astatniaje vyvieźli ŭ Smalensk.Kab schavać hety fakt, u centralnuju kasu arhanizacyi ŭnieśli 427 miljonaŭ rubloŭ nibyta za realizavany ŭ Biełarusi cukar.
Načalnik upraŭleńnia kanstatuje, što padobnaja praktyka nosić sistemny charaktar i heta paćviardžajecca šmatlikimi faktami.
Zastajecca dadać, što pra fakty zarablańnia dziaržhandlem na ažyjatažy vakoł cukru «NN» amal hod tamu raskazvaŭ menedžar adnaho z cukrovych kambinataŭ Biełarusi. Pa jaho słovach, pierad čarhovym padaražańniem kramy zatarvali składy cukram i pra palicy jon traplaŭ užo pa novaj canie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary