Zastałosia zusim krychu, kali hrošaj budzie bolej, jany pojduć na apłatu padatku.
Pra heta paviedamiŭ pravaabaronca Uładzimir Łabkovič.
Pa słovach Łabkoviča, dakładnych dadzienych ab pamiery sabranaj sumy pakul niama. Adnak užo možna havaryć, što sabrana 720–730 miljonaŭ rubloŭ.
Hetuju sumu ŭdałosia sabrać za 20 dzion — pačatak zboru srodkaŭ byŭ pakładzieny 15 śniežnia.Nahadajem, što sud pastanaviŭ kampiensavać 757 miljonaŭ rubloŭ.
«Jak tolki budzie pryznačany kasacyjny razhlad spravy i stanie viadomy rachunak, na jaki treba pieraličyć hrošy, my ich pieraličym.
Zaraz my kampaniju nie spyniajem, bo suma pakul nie sabranaja — jana tolki blizkaja da zaviaršeńnia.My spadziajemsia, što biełaruskaja sudovaja sistema ŭličyć heta pry źmiakčeńni prysudu dla Alesia Bialackaha. Biezumoŭna, heta nie pryznańnie viny Bialackaha ni im, ni nami», — raspavioŭ Uładzimir Łabkovič.
Pravaabaroncy spadziajucca, što kampiensacyja nieabchodnaj sumy paŭpłyvaje na dalejšy los A.Bialackaha Adnak dakładna nie biarucca skazać, jakim mienavita čynam.
Heta moža być admova ad kanfiskacyi majomaści pravaabaroncy, a taksama pieravod jaho na «chimiju».
***
Nahadajem, što summa, jakuju, zhodna z rašeńniem suda, Aleś Bialacki pavinien vypłacić, składaje 757 młn. 526 tys. 717 rubloŭ (prykładna kala 90 tysiačaŭ dołaraŭ).
Natalla Pinčuk adznačaje, što
kali na rachunak pastupić bolš srodkaŭ, to jany pojduć na apłatu padatku, jaki žonka pravaabaroncy pavinna budzie vypłacić (12% ad ahulnaj sumy).Hrošy mohuć pieraličać tolki hramadzianie Respubliki Biełaruś.
Filijał № 529 «Biełśviaź» AAT «ASB Biełarusbank», kod banka 720, adździaleńnie 112.
kod płaciaža: 3819382100776
№ bankaŭskaha ŭkładu: 01053568
vid płaciaža: achviaravańnie (albo dobraachvotny płaciež)
Atrymalnik płaciaža: Pinčuk Natalla Siarhiejeŭna.
***
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary