Mikałaj Aŭtuchovič rastłumačyŭ, čamu parezaŭ sabie vieny +fota lista
U svaim liście jon prosić pisać jamu bolej i pra ŭsio, kab «sychodzić dumkami» z kałonii.
Anastasija Kucharenka, jakaja viadzie pierapisku z palitźniavolenym, atrymała adrazu dva listy, jakija datujucca 22 śniežnia dy 31 śniežnia. U pieršym ź ich Aŭtuchovič raspavioŭ, što z-za «kamandzirovak» ź listapada nie mieŭ mahčymaści pierapisvacca, a taksama zapeŭniŭ, što mocny i zdoleje ŭsio vytrymać.
– Kamuści padabajecca žyć jak u 37-ym hodzie, ale tolki nie mnie. Krychu pryjšłosia adstojvać svoj honar zvacca čałaviekam, a nie žyviołaj. Nu inakš nijak — nie razumieli, nie čuli. Jašče raz prašu: nie turbujsia, nie chvalujsia, ja mocny, ja prosta vytrymaju, navat kali adzin budu stajać suprać zła, — napisaŭ Aŭtuchovič u liście.
Pa słovach Anastasii Kucharenka, Mikałaj Aŭtuchovič upieršyniu paprasiŭ, kab jamu pisali čaściej. Palitviazień paviedamiŭ, što jamu bolš niama čym pisać, i paprasiŭ, kab dasyłali miakkija stryžni. Aproč taho, Aŭtuchovič zaklikaŭ pisać jamu pra ŭsio na śviecie, bo «treba bolš sychodzić dumkami» z kałonii. U svaim liście jon zaznačyŭ, što kali b mieŭ mahčymaść, abaviazkova pavinšavaŭ by sa śviatami ŭsich, z kim viadzie pierapisku.
16 śniežnia ź Ivacevickaj kałonii № 5, dzie vaŭkavyski pradprymalnik adbyvaje pakarańnie nibyta za niezakonnaje zachoŭvańnie i pieravozku piaci patronaŭ i palaŭničaj strelby, pryjšło SMS-paviedamleńnie ab tym, što Aŭtuchovič uskryŭ sabie vieny. Nahadajem, palitviazień nie adnojčy rabiŭ zamach na svajo zdaroŭje, kali abviaščaŭ haładoŭki na znak pratestu suprać utrymańnia jaho ŭ turmie. 22 śniežnia infarmacyju paćvierdziŭ adkazny za źniavolenych, źmieščanych u PKT Alaksandr Šaršunovič.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary