Minharvykankam pryniaŭ rašeńnie zachavać nazvu stancyi mietro «Płošča Lenina»
Pryčyna — «nieadnaznačnyja mierkavańni» žycharoŭ horada.
Upraŭleńnie kultury Minharvykankama ŭ čarhovy raz vykazałasia pra pierajmienavańnie stancyi mietro «Płošča Lenina». Nahodaj staŭ zapyt žychara horada na sajcie ŭstanovy. Naviednik sajta pad nikam stepanych u pačatku śniežnia minułaha hoda zapytaŭ: «Kali budzie pieraahučana stancyja mietro “Płošča Lenina” ŭ “Płošča Niezaležnaści”? Bo niepasredna na samim vakzale na ŭkazalnych tabličkach vykarystoŭvajecca nazva “Płošča Niezaležnaści”.
Uvieści heta ŭ infarmatar budzie nieskładana, tak jak tudy niaredka dadajucca novyja zapisy. Navošta nam hetaja błytanina Lenina-Niezaležnaści?»
Praz tydzień jon atrymaŭ adkaz, padpisany načalnikam upraŭleńnia kultury Minharvykankama Vitaliny Rudzikavaj. U im havorycca, što dadzienaje pytańnie nieadnarazova razhladałasia kamisijaj Minharvykankama pa najmienavańni i pierajmienavańni vulic, praśpiektaŭ, płoščaŭ dy inšych składovych častkach Minska, a taksama abmiarkoŭvaŭsia hramadskaściu i zacikaŭlenymi arhanizacyjami.
Z adkazu vynikaje, što žychary horada nakiravali ŭ kamisiju bolš za 30 kalektyŭnych zvarotaŭ suprać pierajmienavańnia stancyi mietro «Płošča Lenina».
«Prymajučy da ŭvahi nieadnaznačnyja mierkavańni žycharoŭ horada, kamisija, jakaja ŭpaŭnavažanaja ŭ adpaviednaści z rašeńniem Minskaha haradskoha Savieta deputataŭ ad 12.03.2008 №127 prymać rašeńni ab pierajmienavańni składovych častak h. Minska tolki z ulikam stanoŭčych mierkavańniaŭ žycharoŭ horada, pryniała rašeńnie zachavać isnujučuju nazvu stancyi mietro “Płošča Lenina».
***
Stancyja mietro «Płošča Lenina» zapracavała ŭ červieni 1984 hoda. U 1992 hodzie była pierajmienavanaja ŭ «Płošču Niezaležnaści». Hetu nazvu nasiła da 2003 hoda, kali joj viarnuli savieckuju nazvu. Tady kiraŭnictva mietrapalitena zajaviła, što nazvy «Płošča Niezaležnaści» pa dakumientach nikoli aficyjna nie isnavała.
U sakaviku 2010 hoda Minharvykankam ahučyŭ rašeńnie aficyjna pierajmienavać stancyju mietro. Adnačasova musili pierajmienavać šerah vulic stalicy. Adnak u mai taho ž hoda stała viadoma, što źmiena nazvaŭ adkładajecca pa pryčynie źmieny składu Minharsavieta i niehatyŭnych vodhukaŭ z boku piensijanieraŭ i vieteranskich arhanizacyj.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary