Chalip: Vobraz Haveła dapamoža nam vytrymać vyprabavańni
6 studzienia ŭ Minsku, u ofisie hramadskaj arhanizacyi «Ruch "Za Svabodu», prajšoŭ viečar pamiaci byłoha prezidenta Čechii Vacłava Havała.
Na mierapryjemstvie prysutničała druhi sakratar pasolstva Čechii ŭ Biełarusi Dahmar Dydzienka-Navahradska, jakaja adznačyła, što Vacłaŭ Havał staŭ sapraŭdnym hierojem svajho času.
Žurnalistka Iryna Chalip, žonka asudžanaha eks-kandydata ŭ prezidenty Andreja Sańnikava, pryhadała, što padčas znachodžańnia jaje ŭ turmie paśla padziej 19 śniežnia 2010 hoda ŭ Minsku «ź joju ŭ kamiery» znachodziŭsia list-zvarot Vacłava Havała, jaki praz usie «šmony» cudam zachavała jaje kaleha Natalla Radzina.
«Na žal, ja nie viedaju, ci atrymaŭ moj muž u turmie paštoŭku ad Havała, — padzialiłasia Chalip z karespandentam BiełaPAN, — ale viedaju, što Vacłaŭ Havał adrazu pačaŭ rabić usio mahčymaje, kab abaranić biełaruskich palitźniavolenych. Naohuł, heta toj čałaviek, čyja asoba, čyj vobraz, napeŭna, dapamahajuć vytrymać vyprabavańni za kratami: kali Havał zdoleŭ takoje pieražyć — i my pavinny vytrymać».
«Dumaju, takija asoby, jak Havał, prychodziać raz u sto hadoŭ, — ličyć lidar ruchu "Za Svabodu" Alaksandr Milinkievič. — Było šmat ludziej, jakija viali baraćbu z tatalitaryzmam na postsacyjalistyčnaj prastory, ale Havał — heta asablivaja fihura. Toje, što jon byŭ, uvohule kažučy, i dla nas vielmi važna, chacia i biełarusam vielmi chaciełasia b mieć takoha absalutnaha maralnaha lidara, lidara palityčnaha, lidara baraćby za demakratyju. Budziem spadziavacca, što jon jašče ź`iavicca».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary