Čarhovaje padvyšeńnie koštaŭ na navučańnie ŭ BDU. Hetym razam ukazam rektara košty ŭ zaležnaści ad śpiecyjalnaści padvyšajucca na 30-35$. Prapanujecca i novaja schiema apłaty. Dla hetaha prapanujecca zaklučyć novvaje pahadnieńnie (minułaje zaklučali u vieraśni 2006), dzie zamiest schiemy 4*25% prapanujecca apłata 30%+20%+20%+30% z-za čaho u hetyja try miesiacy apłata padajecca źnižanaj.
Nahadajem, što minułaje padvyšeńnie było litaralna paŭhady tamu i skłała ŭ siarednim 300$, tady i byli zaklučany novyja damovy, jakija hetym miesiacam prapanujecca skasavać na novyja. Hałoŭnym ža arhumientam dla padvyšeńnia koštaŭ była, na dumku rektara, vialikaja adroznaść u płacie za navučańnie ŭ VNU pamiž Biełaruśsiu i krainami Jeŭropy. MIž tym, u bolšaści krain Jeŭropy navučańnie adbyvajecca na biudžetnaj asnovie, a ŭ krainach dzie navučańnie ź biudžetnaha pieraviali na płatnaje (Aŭstryja) košt za navučańnie składaje 800eŭra. U BDU studenty płociać bolš za 1000 dalaraŭ ZŠA. Miž tym umovy navučańnia nielha nazvać Jeŭrapiejskimi. Na bolšaści fakultetaŭ navučańnie adbyvajecca ŭ pierpoŭnienych aŭdytoryjach, kaśmietyčny ramont zvyčajna supadaje z navučańniem ci sesijaj, a płatnikaŭ nabirajuć jak dadatak da biudžetnych hrupaŭ. Treba zaŭvažyć, što padvyšeńnie koštaŭ tyčycca i piatych kursaŭ, jakija ŭžo zdali apošniuju sesiju i faktyčna bolš nie navučajucca uva univiersitecie (jany nie karystajucca pasłuhami vykładčykaŭ, bo lekcyi dla ich bolš nie čytajucca, tak jak u ich zastałasia tolki dypłomnaja rabota i dziaržispyty.).
