Hałalodzica praviała da taho, što DTZ było ŭdvaja bolš, čym zvyčajna.
U piatnicu 13-ho ŭ Minsku było zarehistravana 224 DTZ, paviedamili ŭ dziažurnaj častcy DAI stalicy. Abyjšłosia bieź ciažkich nastupstvaŭ, ale try čałavieki ŭ darožna-transpartnych zdareńniach usio ž paciarpieli.
Nielha skazać, što byli miescy kancentracyi DTZ.
Avaryi zdaralisia pa ŭsim horadzie— i na MKAD, i na hałoŭnych praśpiektach, i na vuzieńkich vułačkach spalnych mikrarajonaŭ. Ale ŭsio ž čaściej jany rehistravalisia na ŭčastkach, dzie była ryzyka źjaŭleńnia hałalodzicy — na šlachapravodach, mastach i h. d.
Naprykład, na šlachapravodzie, jaki złučaje praśpiekt Mašerava i vuł. Kalvaryjskuju, adbyłasia cełaja sieryja drobnych avaryj.
Kamientary