Cieła i kroŭ halandzkaj padpolščycy
Eratyčna-vajskovyja pryhody, jakim by pazajzdrościŭ by j "Biełaruśfilm".
Čornaja kniha (Zwartboek)
Niderlandy – Vialikabrytanija – Niamieččyna, 2006, kalarovy, 135 chv.
Režyser: Paŭl Verchuven
Roli vykonvajuć: Karys van Chuten, Sebastyjan Koch, Tom Chofman, Chalina Rejn, Valdemar Kobus, Derek de Lint, Krystyjan Berkiel
Žanr: Vajenny trymcieńnik, pryhody
Adznaka: 7,5 (z 10)
Pryzy Niderlandzikich kinafestaŭ, naminacyi na “Załatoha ilva” na MKF u Venecyi, naminacyi na premiju “BAFTA“.
Rachiel Sejn – habrejka. Kali hinuć jejnyja baćki, Rachiel dałučajecca da halandzkaha supracivu. Jana farbujecca ŭ blandynku – i musić uvajści ŭ davier da vysokapastaŭlenaha esesaŭca.
Jak i rańnich stužkach Verchuvena (“Čaćviorty mužčyna”, “Cieła+kroŭ”), mienavita “cieła” adroźnivaje chłuśniu ad praŭdy. Rachiel vanituje ad hiestapaŭca – jaki zabiŭ jejnych baćkoŭ. Jur da esesaŭca – davodzić voraha da antyfašyzmu. A niečystoty, što vylivajuć na hierainiu – jość znakam nadychodnaje zdrady.
Verchuven u svaim charakternym styli źmiešvaje eratyčnaje j vajennaje. Zamiest falasu – pistalet, pacałunak – znak kanśpiracyi. Šmatrazovyja pieraŭvasableńni hierojaŭ naŭmysna pravakacyjnyja. Esesaviec stanovicca humanistam, hieroj vajny – maradzioram, a rastrełam paśla pieramohi kamanduje... zaciaty nacyst.
Ale iranična-skandalnyja akcenty – prykmieta verchuvenaŭskaj režysury. Kabaretnyja numary sa svastykaj, aholenyja hrudzi, truna dla kantrabandy. Pry hetym režyser nia ździekvajecca sa śviatoha: jon raspaviadaje surjoznuju historyju časoŭ akupacyi ŭ zachaplalnaj formie – i na svajoj, halandzkaj movie.
Film demanstravaŭsia ŭ farmacie “4ch4”. Seansy ŭ “Pieramozie”:
20 i 21 lutaha a 21.10;
22, 23 i 25 lutaha a 18.30;
24 lutaha a 15.50, 21.10
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary