Z 20 lutaha da 20 sakavika vystava klasykaŭ biełaruskaha insytnaha mastactva — Jazepa Drazdoviča, Aleny Kiš, Fiodara Maksimava, Michała Zasinca.
Ekspazicyja rabot biełaruskich majstroŭ insitnaha mastactva adkryjecca 20 lutaha ŭ historyka‑kulturnym muziei‑zapaviedniku «Zasłaŭje». Tut taksama adbudziecca ŭračystaja prezientacyja knihi‑alboma «Patajemnaje naiŭnych mastakoŭ Biełarusi» ab vytokach i siońniašnim dni insitnaha mastactva.
Jak raskazaŭ karespandentu BIEŁTA dyrektar historyka‑kulturnaha muzieja‑zapaviednika «Zasłaŭje» Mikałaj Pahranoŭski, u zasłaŭskim muziei sabrana bahataja kalekcyja tvoraŭ biełaruskich prymityvistaŭ — samabytnych mastakoŭ‑samavučak, jakija nie atrymali śpiecyjalnaj adukacyi. Ich lepšyja raboty ŭ žyvapisie, hraficy, skulptury, a taksama malavanyja dyvany buduć šyroka pradstaŭleny ŭ ekspazicyi.
Jarkaj padziejaj vystaŭki stanie i prezientacyja knihi na hetu temu, napisanaj staršym navukovym supracoŭnikam muzieja‑zapaviednika «Zasłaŭje» Juryjem Małašam, viadomym u respublicy pradstaŭnikom naiŭnaha mastactva. Mienavita jon i vystupiŭ inicyjataram vystavačnaha mierapryjemstva.
Mikałaj Pahranoŭski adznačyŭ, što kniha‑albom «Patajemnaje naiŭnych mastakoŭ Biełarusi» vypuščana vydaviectvam «Litaratura i Mastactva» pry finansavaj padtrymcy ŭpraŭleńnia kultury Minskaha abłvykankama i Zasłaŭskaha harvykankama. Na jaje bahata ilustravanych staronkach pradstaŭlena tvorčaść jak užo pamierłych biełaruskich kłasikaŭ insitnaha mastactva — Fiodara Maksimava, Aleny Kiš, Jazepa Drazdoviča, Michaiła Zasinca, tak i tych, chto siońnia pracuje, — Siarhieja Kovala, Antaniny Majsiejevaj, Uładzisłava Stalmachova. Kniha‑albom vydadziena na dźviuch movach — biełaruskaj i anhlijskaj.
Tvorčy prajekt, pryśviečany biełaruskamu insitnamu mastactvu, adrasavany šyrokamu hledaču. Śpiecyjalna raspracavanaja ekskursija dapamoža atrymać najbolš poŭnaje ŭjaŭleńnie ab vytokach i raźvićci hetaha vidu mastactva, jakoje biare svoj pačatak u 20‑ia hady minułaha stahodździa.
Ekspazicyja budzie pracavać da 20 sakavika.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary