Jašče adzin nieardynarny krok lidera apazycyi: jon nakiravaŭ staršyni Parlamenckaj asamblei Rady Eŭropy list, u jakim jon zaprašaje jaho «asabista pierakanacca ŭ tym, što nasamreč adbyvajecca ŭ Biełarusi» ŭ najvažniejšy ŭ historyi biełaruskaj dziaržaŭnaści dzień.
Jašče adzin nieardynarny krok lidera apazycyi: jon nakiravaŭ staršyni Parlamenckaj asamblei Rady Eŭropy list, u jakim jon zaprašaje jaho «asabista pierakanacca ŭ tym, što nasamreč adbyvajecca ŭ Biełarusi» ŭ najvažniejšy ŭ historyi biełaruskaj dziaržaŭnaści dzień.
Pryvodzim tut tekst lista.
«Pavažany Sp. van der Linden,
Paśla Vašaha vizitu ŭ Minsk, jaki vyklikaŭ šmat sprečak dy sumnievaŭ, u Biełarusi nie adbyłosia značnych źmienaŭ. U turmach praciahvajuć znachodzicca palitźniavolenyja, adbyvajucca novyja aryšty i sudy nad apanientami ŭłady, parušajucca pravy hramadzianaŭ i hramadskich arhanizacyjaŭ.
Tym nie mienš ja zhodny z Vašaj acenkaj, što situacyja ŭ krainie i vakoł jaje daje mahčymaść pa‑novamu pahladzieć na pierśpiektyvy jaje demakratyzacyi. Paśla intensiŭnych kansultacyjaŭ i dyskusijaŭ z demakratyčnaj hramadskaściu i z ulikam ahučanych uładami zajavaŭ pra zacikaŭlenaść u naładžvańni stasunkaŭ ź Jeŭropaj ja źviarnuŭsia da A.Łukašenki z prapanovaj pačać dyjałoh apazicyi i ŭłady.
Liču, što mienavita takim čynam možna znajści mahčymaści dziela praduchileńnia ekanamičnaha kryzisu, abaranić niezaležnaść dziaržavy i vypracavać stratehiju ruchu Biełarusi šlacham demakratyzacyi. Tolki ŭ vypadku dasiahnieńnia zhody pamiž uładaj i demakratyčnymi siłami Biełarusi možna pačynać pieramovy ź Jeŭropaj pa ŭsim komleksie palityčnych, ekanamičnych i sacyjalnych pytańniaŭ.
U maim zvarocie da A.Łukašenki ja prapanavaŭ uładzie zrabić pieršy krok nasustrač demakratyčnym siłam 25 Sakavika hetaha hodu, u Dzień Voli, najvažniejšy dzień u historyi biełaruskaj dziaržaŭnaści. Takoje ž mierkavańnie vykazała i biełaruskaja hramadskaść.
Dumaju, što ŭ hety dzień mahła b pačacca surjoznaja razmova pra los Biełarusi z udziełam usich płastoŭ hramadstva.
Viedajučy pra Vašuju cikavaść da našaj krainy i surjoznaść staŭleńnia PARE da biełaruskaj prablemy, zaprašaju Vas naviedać Biełaruś 25 Sakavika 2007 hoda i ŭziać udzieł u śviatkavańni Dnia Voli. Spadziajusia, što biełaruskija ŭłady zrazumiejuć važnaść siońniašniaha momantu i 25 Sakavika taksama zrobiać krok nasustrač biełaruskaj hramadskaści. U kožnym vypadku, Vy zmožacie asabista pierakanacca ŭ tym, što nasamreč adbyvajecca ŭ Biełarusi. Minuły svoj vizit Vy ažyćciaŭlali na zaprašeńnie aficyjnaha biełaruskaha boku. Spadziajusia, što Vy razumiejecie važnaść vizita na zaprašeńnie, što zychodzić ad demakratyčnych siłaŭ Biełarusi.
Chaču zapeŭnić Vas u ščyraści i surjoznaści našych namieraŭ.
Z pavahaj,
Alaksandr Milinkievič
Kandydat u prezidenty na vybarach 2006 h.
Łaŭreat Premii Jeŭraparłamienta im. A.Sacharava «Za svabodu dumki»
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ4
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary